Urkunde Nr. 5654 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunftakten und Zunftregister [Acte şi registre de breaslă] (Inventar 33), Nr. 439 (Kopialbuch der Hermannstädter Goldschmiedezunft / Registrul breslei aurarilor din Sibiu Vol. I, 1494-1872), fol. 5.

Druckvorlage:

nach Abschrift

Abdruck als:

Volltext

Sprache:

Deutsch

---

5654 *

1496 Die Hermannstädter Goldschmiedezunft ergänzt ihre Satzungen von 1494.

1496. Item, als manchmoll dy ersamen herren dy czechmester das silber auff heben von den mesteren, also manch moll sal ein wytfraw geben ein pfenig jn dy czech vnd ein ytzlicher mester des selben geleichen. Das selb auffheben sal geschehen durch dy czechmester alle vier wochen.
In dem namen gottes am suntag noch Lucia, zo haben dy master mit eyntracht auff gesacz vnd gemacht, welger erberen frauen yr her styrbt, dy selbychen erber frau zal eyn gancz jor arbetten lossen, ab sy wyl alzo ab sy sych erbarlych helt mit den masteren mit huet vnd ander geuonheyt der ehrlichen czeyg, dy eynner frauen czw steyn. Das ist gemacht mit eyntracht der czeyg an dem obgemelten tag noch Crist geburt 1494.
Item yn dem obgemelten Tag alzo haben dy mester auf gesacz vnd gemacht, das man won keppen nit weniger zol nemen dan 2 floren von der marg. Nymt her aber weniger dan 2 floren, zo zal der selbych master czw bus geben, alzo wyl her weniger nimt van 2 floren.
Item, welge erlyche master auff den margt arbeten, der zol nit mer geben dan 2 lot vor den gulden. Geyt her aber mer den 2 lot, zo zal her czw bus geben, als wyl her mer geyt.
Item, nimansz sal halten bey 2 gesellen eynnen vorsprochenen knapen, der do ler jor aus gedinet hat.
Item, nimansz sol off nemmen 2 knapen, der eyn hab, dan halb czeyt aus gedynet.