Urkunde Nr. 5039 * aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 10: Stadt Schässburg [Primaria Municipiului Sighisioara], (Inv. 949), Urkunden Nr. 18.

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Deutsch

---

5039 *

Schässburg 1490 Juli 16 Bürgermeister, Richter und Rat von Schässburg stellen dem gewesenen Bürgermeister Michael Polnar ein Zeugnis über dessen in allem vorbildlichen guten Sitten und Leumund aus, sowohl im Amt wie auch außerhalb, unter Hervorhebung der Förderung der Bauarbeiten an der Schässburger St.-Nikolaus-Kirche. Die gegen ihn beim verstorbenen König Matthias vorgebrachten Anschuldigungen und seine daraufhin im Vorjahr erfolgte Einkerkerung weisen sie als ohne ihr Wissen und Willen erfolgte und als ungerechtfertigt und völlig ungegründet zurück und ersuchen um Freilassung.

Universis et singulis regibus, principibus, praelatis, baronibus, ducibus, comitibus et quibusvis officialibus et eorum loca tenentibus et cetera. Quarumcunque civitatum opidorum, villarum et aliorum locorum rectoribus qualicumque regimine vel honore aut officio praefulgentibus aliis quoque cuiusvis status gradus conditionis hominibus praesentium notitiam habituris magister civium, iudices et iurati cives civitatis Segeswariensis unacum tota communitate eiusdem urbis, item villicii iuratique seniores sedis praedictae in suis ac universorum hospitum eiusdem sedis personis obsequiosa nostra servicia gratam recommendam. Noverint universi, quod egregius vir Michael Polnar alias nostre civitatis magister civium praesentium ostensor unacum sua virtuosa geneloia nostri in medium educatus laudanda vestigia suorum parentum ymitatus hucusque laudabiliter consecutus semper in omni virtutum exercitio morum honestate et probitate nichilominusque in sublimatione magistratus civium intra quaque et extra se laudabiliter tenuit pariterque etiam rexit absque quavis nota, vitam cuius nemo veritate dicenda quovismodo obfuscare potest. Item proprio ingenio attinctis quoque manibus propriis certa edificia structurarum pro usibus ecclesiarum turrium menium in muro nostre civitatis praefulgendo pro decore et tuitione conservationeque incolarum nostrorum etiam precique testudinem lucidissimam in ecclesia beatissimi patris Nicolai patroni huiusmodi urbis construi perswasit. Illa autem omnia non obstanste neque pensante, ut ex revera intellectu edocti sumus et clarissimam facti habemus experientiam quomodo anno praecedente praefatus Michael Polnar coram serenissimo a sanctis naturali domino nostro Matthia olym rege Hungariae et cetera dive memorie nomine nostri omnium per quosdam narrantes quorum nomina praesentibus ad praesens minime inserere persewasimus et verbo nostro sit accusatus traditus per suggestione plurimas oppressiones aggravaciones in presentia maiestatis regie, ut in plurimum turbatus de serenitate regia diris vinculis mancipatus et incarceratus. Igitur policemur et fide nostra christiana sincere recognoscimus et fatemur veritatis verbo, quSchässcod universe et singule tradiciones accusationes, ut in premissis, que idem Michael Polnar in aspectu serenitaties regiae sustinuit, hoc idem absque scita et voluntate nostri omnium sine ulla rationabili de causa minus iuste et indebite tacitaque veritate propallate et enudate sunt, quem penitus in nullo inculpare possumus Sed de singulis suis serviciis uti in gestis et negociis uti in plurimis nobis fidelissime exhibitis domino volente temporum in eventu cum gratiarum actione sibi et suis liberis atque geneloie ipsius grata vicissitudine intendimus recommensurare. Quocirca vobis universis supra praenarratis dominis nostris gratiosissimis et amicis honoreque dignis humilime affectuosius supplicamus, quatenus dum et quando praefatus Michael Polnar vestri in medium pervenerit, quem ob suarum virtutum et probitatum merita dilectione speciali et favore, quibus amplectimur in singulis suis desideriis et rebus agendis tamquam virum laudabilis et fame et bene merito nostri parte benivoleque ac benignis favoribus prosequi, quod erga vestram dominationem et vestros quoslibet in similibus et multumationibus iuxta possibilitatis nostrae exigentiam grata vicissitudine promerere. Harum nostrarum literarum sigillo nostro maiore civitatis nostrae subimpensione consignatarum vigore et testimonio mediante. Datum in Segeswar feria sexta proxima post beatorum divisionis apostolorum, anno domini millesimo quadringentesimo nonagesimo.