Urkunde Nr. 5454 * aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 252.

Druckvorlage:

nach Original

Abdruck als:

Regest

Sprache:

Latein

---

5454 *

1494 September 7 König Wladislaw II. bestätigt auf Ersuchen des Kronstädter Stadtrichters Bartholomäus Schunkabunk (Chonkabonka) sowie der Ratsherren Simon Sartor, Christian Benchner und Johann Keulhan die Urkunde des Königs Matthias von 1465 Nr. »3424 mit der Urkunde von 1458 Nr. »3129 betreffend die alten Freiheiten und Rechte Kronstadts und des Burzenlandes.

Von der Kanzlei: Commissio propria domini regis.

Wladislaus dei gracia Hungariae, Bohemiae, Dalmaciae, Croaciae, Ramae, Serviae, Galliciae, Lodmeriae, Comaniae¹⁾ Bulgariaeque rex necnon Slesiae et Lucemburgensis dux marchioque Morauiae et Lusaciae et cetera omnibus Christi fidelibus praesentibus pariter et futuris praesentium notitiam habituris salutem in omnium salvatore. Ad universorum noticiam harum serie volumus pervenire, quod fideles nostri prudentes et circumspecti Bartholomeus Chonkabonka dictus iudex ac Simon Sartor, Christianus Benkner et Johannes Kewlhaw iurati cives ac magister Paulus notarius civitatis nostrae Brassoviensis et cetera nostrum venientes in conspectum in ipsorum ac ceterorum universorum civium et totius communitatis eiusdem civitatis nostre Brassoviensis et terrae Barcza exhibuerunt nobis et praesentaverunt quasdam literas serenissimi principis condam domini Mathiae regis Hungariae et Bohemie et cetera immediati predecessoris nostri felicis recordacionis in pargameno privilegialiter confectas et suo dupplici sigillo consignatas, quibus mediantibus idem condam dominus Matthias rex quasdam alias litteras suas in quibus idem prefatos universos cives in eorum universis antiquis libertatibus, graciis et praerogativis atque approbatis consuetudinibus eisdem a divis condam regibus concessis conservare promiserit et etiam cum wayvodis et vicewayvodis et aliis subditis suis conservare debere commiserit pro eadem civitate nostra eiusque civibus ac terra Barcza confirmasse dinoscebatur tenorum infrascriptorum supplicantes maiestati nostrae humiliter, ut easdem litteras et omnia in eisdem contenta ratas, gratas et accepta habentes literisque nostris similiter privilegialibus de verbo ad verbum inseri et inscribi facientes per eisdem iudice et iuratis civibus ac tota communitate dicti civitatis nostre Brassoviensis et terra Barcza praesentibus et futuris innovantes pertetuo valituras confirmare dignaremur. Quarum quidem literarum tenor talis est: (Folgt die Urkunde König Matthias' von 1465 Nr. »3424 mit der Urkunde von 1458 Nr. »3129). Nos igitur humillimis supplicacionibus praefatorum Bartholomei iudicis ac Simonis [et Christianis] et Johannis iuratorum civium et Pauli notarii praefatae civitatis nostrae Brassoviensis maiestati nostri modo quo supra porrectis regia benignitate exauditis et clementer admissis praescriptas litteras annotati condam domini Mathie regis non abrasas, non cancellatas neque in aliqua sui parte suspectas, sed omni prorsus vitio et suspicione carentes praesentibus litteris nostris similiter privilegialibus de verbo ad verbum sine diminucione et augmento aliquali insertas, quoad omnes earum continentias clausulas et articulos, eatenus quatenus eaedem rite et legitime existunt emanatae viribusque earundem veritas suffragatur, acceptamus, approbamus et ratificamus easque et omnia in eisdem contenta pro eisdem iudice et iuratis ceterisque civibus et tota communitate dictae civitatis nostrae Brassoviensis et terra Barcza ipsorumque haeredibus et successoribus universis innovantes perpetuo valituras confirmamus praesentis scripti nostri patrocinio mediante salvis iuribus alienis. In cuius rei memoriam firmitatemque perpetuam praesentes literas nostras novo dupplici et autentico sigillo nostro impedenti communitas duximus concedendas. Datum per manus reverendi in Christo patris domini Thomae episcopi Jauriensis ac postulati Agriensis ecclesiarum, aulae nostrae summi et secretarii cancelarii fidelis nostri dilecti, septima die Septembris, anno domini millesimo quadringentesimo nonagesimo quarto, regnorum nostrorum Hungariae et cetera anno quinto, Bohemiae vero vigesimo quarto. Venerabilibus in Christo patribus dominis Hyppolito Estensi de Aragonia sanctae Romanae ecclesiae cardinali Strigoniensi, Petro Colocensi archiepiscopis, eodem Thoma postulato Agriensis, Osvaldo Zagrabiensis, Valentino Waradiensis, Ladislao Gereb Transsilvaniensis, Sigismundo Quinqueecclesiensis, praefato Thoma Jauriensis, Johanne Wesprimensis, Luca Chanadiensis, Nicolao de Bathor Waciensis, Anthonio Nitriensis, Sirmiensis sede vacante, Gabriele electo Boznensis, Briccio electo et confirmato Timiniensis, Cristofforo Modrusiensis, Michaele electo Segniensis ecclesiarum episcopis, ecclesias dei feliciter gubernantibus, item magnificis Stephano de Zapolya comite Scepusiensi ac regni Hungariae palatino, comite Paulo de Kynys iudice curiae nostrae ac comite Themesiensi generalique et suppremo capitaneo partium regni nostri inferiorum, Bartholomeo Dragfy de Belthewk wayvoda Transsilvano, Ladislao de Kanysa regnorum nostrorum Dalmaciae, Croaciae et Sclavoniae, Georgio More de Chwla et Francisco Balassa de Gyamath Zewriniensi banis, Petro Gereb de Wyngarth, Nicolao Banffy de Lyndwa janitorum, Ladislao de Egerwara thavernicorum, Georgio de Kanysa et Johanne Bebek de Pelsewcz pincernarum, Emerico de Peren dapiferorum, Johanne Ernsth de Chaktornya agazonum et Blasio de Rastka cubiculariorum nostrorum regalium magistris aliisque quampluribus curiae et regni nostri officia tenentibus et honores.

Auf der Rückseite von der Kanzlei: Reg[estrata] folio CXVII. Anno 1494.

Auf der Rückseite unten in sehr kleiner Schrift: Littere confirmationis omnium privilegiorum civitatis et appendicis et cetera sed ut aliquam privilegia exhibeantur.


1) Bis hierher grössere Schrift mit Zierinitialen.^{^}