Urkunde Nr. 6038 * aus Band VIII
- Heute in:
- Kronstadt, Archiv der Honterusgemeinde
- Heutige Signatur:
- I E (Burzenländer Kapitel, Urkunden), Nr. 70 (alt 155)
- Druckvorlage:
- nach Original
- Abdruck als:
- Volltext
- Sprache:
- Latein
6038 *
Gran 1500 Mai 11 Thomas Amadeus de Ferraria, doctor decretorum
, Archidiakon von Gömör und Domherr von Gran, Generalvikar und Generalauditor des Graner Erzbischofs, bestätigt dem Burzenländer Dechanten Heinrich, Doktor der Rechte und Pleban von Marienburg, die Ausübung der bischöflichen Rechte bezüglich der geistlichen Gerichtsbarkeit. Orig. Pap. Archiv der Honterusgemeinde Kronstadt, I E 70. Siegel, Adler in Wappenschild, rund, papierbedeckt, unter dem Text aufgedrückt. -- Auch gleichzeitige Abschrift Pap. ebd. -- Auch eingeschaltet in notariellem Transsumpt des geschworenen öffentlichen Notars Nicolaus Pictoris artium doctor von 1515, ebd. Nr. 69 (alt 73).
Druck: Benkő, Milkovia (
») I, 153-155. Nachfolgend auf 155-158 das notarielle Transsumpt von 1515 mit Nachzeichnung des Signets.
Thomas Amadeus de Ferraria decretorum doctor, archidiaconus Gewmeriensis et canonicus in ecclesia Strigoniensis necnon reverendissimi in Christo patris et domini domini Thomae miseratione divina archiepiscopi Strigoniensis locique eiusdem comitis perpetui primatis Hungariae et apostolicae sedis legati nati et cetera vicarius in spiritualibus causarumque auditor generalis dilecto nobis in Christo egregio domino Henrico decretorum doctori, plebano de Fewldwar et decano Brassoviensi iurisdictionis spiritualis Strigoniensis salutem in domino sempiternam. Cupientes animarum tibi commissarum saluti providere tibi tenore praesentium concedimus et committimus autoritatem omnes et singulas causas civiles et criminales ad forum ecclesiasticum et ad decanum Brassoviensem pro tempore existentem de iure vel consvetudine quomodolibet spectantes audiendi, cognoscendi et sine debito terminandi et exequendi, inquirendi de excessus et crimina corrigendi et puniendi, censuras ecclesiasticas fulminandi et ferendi et infligendi, confessiones audiendi et aliis ad hoc idoneis committendi, etiam in casibus sedi nostrae Strigoniensi reservatis, nisi adeo graves et enormes forent, super quibus ipsa sedes Strigoniensis esset consulenda, item ab excommunicatione minori per participationem contracta et etiam maiori excommunicatione, suspensione et interdicto propter iniectionem manuum violentarum in alterutrum factam et alias occasiones in iure expressas a canone incursis; dummodo excessus non sit tam gravis et enormis, pro quo an hanc sedem Strigoniensem vel alias summum pontificem esset recurrendum, demptis tamen sententiis excommunicationis superiore nostro vel quocunque alio latis publice dempta etiam dispensatione super irregularitatibus et poenitentias salubres pro modo culpae imponendi, participationi fidelium et communioni sanctae matris ecclesiae restituendi nec non quibuscunque catholicis episcopis gratiam sedis apostolicae habentibus, clericos districtus tui Brassoviensis ad ordines minores et etiam ad omnes sacros praesentandi ipsisque eosdem ordinandi atque ab eis sacros liquores recipiendi, ecclesias violatas reconciliandi et alia omnia faciendi ac gerendi, quae aliis decanis Brassoviensibus quomodolibet concedi ab hac sede Strigoniensi consueta fuerunt. Ratificantes ex tunc prout ex nunc omnes sententias processus ac censuras per te recte et rite promulgatas et inferendas, hoc expresso, quod si aliqui iudicio tuo vel sententia tua gravatos se senserint vel reputaverint, libere prossint ad sedem hanc Strigoniensem appellare. Tuque huiusmodi appellationem, secundum quod iusta fuerit, semper deferre tenearis. In quorum omnium et singulorum fidem et testimonium praemissorum praesentes litteras nostras fieri et sigilli nostri impressione fecimus communiri. His tamen usque futuram synodum in hac ecclesia Strigoniensi proxime celebrandam duraturis. Datum Strigonii undecima die mensis Maii, anno domini millesimo quingentesimo.
Nicolaus de Athya notarius