Urkunde Nr. 544 aus Band I

Seite im UB:

494-495 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 31 085

Druckvorlage:

nach Original

Abdruck als:

Volltext

Sprache:

Latein

---

544

1338 März 12 Das Grosswardeiner Kapitel berichtet dem siebenbürgischen Woiwoden Thomas, dass dasselbe die Begehung der Grenzen von Vista und Türe, Besitzungen des siebenbürgischen Bischofs, vornehmen lassen werde.

Magnifico viro et honesto Thomae vaivodae Transiluano et comiti de Zonuk capitulum Waradyensis ecclesiae sinceram amicitiam cum reverentia pleniori. Receptis literis vestrae magnificentiae intelleximus, ut nobiles de Nadasd in congregatione vestra generali feria quarta proxima post octavas beati Andreae apostoli¹⁾ universitatis nobilium terrae Transsiluanae in Torda celebrata de medio universorum exsurgentes, ex quibus unus, scilicet Johannes filius Nicolai pro eisdem verbo ipsorum et²⁾ suo²⁾ proposuisset eo modo, quod venerabilis in Christo pater dominus Andreas episcopus Transiluanus in reambulatione possessionum suarum Wysta et Tyre vocatarum, quibus praedicta possessio ipsorum Nadasd commetaneitaliter vicinaretur, ipsis absentibus propria auctoritate quandam particulam terrae ad eandem Nadasd pertinentem postpositis veris metis et antiquis, per erectionem novarum metarum indebite occupando ad dictas possessiones suas fecisset applicari in praeiudicium ipsorum non modicum et gravamen. Quo audito dictus dominus episcopus surgens ex adverso exhibuisset vobis quasdam literas nostras sua serie taliter vos informantes, ut idem dominus episcopus praenominatas possessiones suas praesentibus homine regio et nostro testimonio ad hoc transmissis praesentibus vicinis et commetaneis earundem reambulasset et ab aliorum possessionibus per³⁾ novas erectiones metarum separasset, nemine tunc ibi contradictore apparente et sic in dicta reambulatione legitime processisset. Videatur tamen in literis vestris, quod nostra testimonia ad replicandam dictam reambulationem ob rei maioris certitudinem ambabus partibus essent necessaria, petendo [nos] amicabiliter, ut visis literis vestris nostros daremus homines fide dignos, quibus praesentibus Johannes filius Wgrini de Kopan aut Herbordus de Gald, altero absente, homo vester, quem dictus dominus episcopus adducere teneretur, item Johannes filius Stephani de Zuchak vel Johannes de Zurdukew similiter altero absente homo vester, quem dicti nobiles adducere teneantur, in octavis beati Georgii martyris nunc venturis⁴⁾ ad faciem dictarum possessionum accedendo, in dicta particula terrae litigiosa prout partes metas veteres ac novas et quo signo signatas ostendunt et [S. 495] distinctas, partibus adversis in dictis octavis iudiciaria auctoritate committendo, ut in facie¹⁾ dictarum possessionum comparendo videant et attendant, tandem totius facti seriem signa et loca metarum ambarum partium qualitatem ac quantitatem dictae terrae litigiosae cum cursibus metarum vobis amicabiliter rescribere deberemus. Nos enim licet continue petitionem vestrae generositatis prompti fuerimus et parati admittere, nihilominus mandato regio obtemperantes simul hominem nostrum fide dignum pro testimonio cum homine suo transmisimus ad ea fideliter exsequenda, quae in suis literis videbantur contineri et quomodo processerint in praefata reambulatione possessionum in literis nostris secundum relationem eorundem emanatis satis edocti fuistis, ut praemittitur, nec credimus necessarium secundario nostrum testimonium ad praedictos processus destinare. Unde vestra maguificentia velit habere nos excusatos [ ]²⁾ Datum feria quinta proxima ante dominicam Oculi, anno domini M^o. CCC^o. XXX^mo. octavo.

Auf der Rückseite Adresse: Thomae vaivodae Transiluano pro venerabili in Christo patre domino Andrea episcopo Transiluano.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 494, 1-2 auf S. 495.^{^}
[S. 494]
1) 1337 Dezember 10.^{^}
2) Ueber der Zeile nachgetragen [2x]. ^{^}
3) Hierauf durchgestrichen: nos.^{^}
4) Mai 1.^{^}
[S. 495]
1) Verbesserung.^{^}
2) Lücke, 2.5 Centimeter breit.^{^}