Urkunde Nr. 5628 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inventar 32), Serie Z. U. I, Nr. 23.

Druckvorlage:

nach Original

Abdruck als:

Regest

Sprache:

Latein

---

5628 *

Ofen 1496 Juni 15 König Wladislaw II. bestätigt auf Ersuchen sämtlicher Lederer-Zünfte die Urkunde der sieben Stühle von 1376 Nr. »1057 über die Satzungen der Zünfte in Hermannstadt, Schässburg, Mühlbach und Broos.

Vladislaus die gratia Hungariae, Bohemiae, Dalmatiae, Croatiae, Ramae, Serviae, Galliciae, Lodomeriae, Cummaniae, Bulgariaeque rex nec non Siliesiae et Lucemburgensis dux, marchio Moraviae et Lusatiae et cetera omnibus Christi fidelibus praesentibus pariter et futuris praesentium notitiam habituris salutem in omnium salvatore. Ad universorum notitiam harum serie volumus pervenire, ut pro parte et in personis fidelium nostrorum circumspectorum universorum magistrorum cerdonum in civitatibus nostris Cibiniensi ac Mullembach, castro Sches et Warasso commorantium exhibitae sunt nobis praesentatae quaedam literae fidelium nostrorum prudentum et circumspectorum seniorum iudicum consulum et provincialium universarum VII sedium Saxonicalium terrae nostrae Transsilvanae super certis statutis, consuetudinibus et libertatibus universorum mechanicorum magistrorum cuiuscunque videlicet magisterii existentium in praefatis civitatibus nostris commorantium inferius in tenore earundem literarum clarius expressis in pergameno privilegialiter confectae sigilloque eorundem provinciali authentico consignatae tenoris infrascripti. Supplicatum itaque exstitit nostrae majestati pro parte praenominatorum universorum magistrorum cerdonum humiliter, ut easdem literas et omnia in eisdem contenta, ratas, gratas et acceptas habere, literisque nostris similiter privilegialibus de verbo ad verbum inseri et inscribi facere ac pro eisdem magistris cerdonibus ipsorumque heredibus et successoribus universis innovantes perpetuo valituras confirmare dignaremur. Quarum quidem literarum is tenor est: (Folgt die Urkunde der sieben Stühle von 1376 Nr. »1057). Nos igitur praemissa supplicatione pro parte universorum magistrorum cerdonum in praedictis quatuor civitatibus nostris modo praemisso commorantium maiestati nostrae modo quo supra porecta regia benignitate exaudita et clementer admissa praescriptas literas praenominatorum seniorum iudicum consulum et provincialium non abrasas cancellatas neque in aliqua parte sui suspectas, sed omni prorsus vitio et suspicione carentes praesentibusque literis nostris privilegialibus de verbo ad verbum sine diminutione et augmento aliquali insertas quad omnes earundem continentias clausulas et articulos eatenus, quatenus eadem legitime existunt emanatae, veribusque earundem veritas suffragatur accceptamus approbamus et ratificamus easque nihilominus et omnia in eisdem contenta pro praefatis magistris cerdonibus ipsarum quatuor civitatum nostrarum eorundemque heredibus et successoribus universis innovantes perpetuo valituras confirmamus praesentis scripti nostri patrocinio mediante. In cuius rei memoriam firmitatemque perpetuam praesentes literas nostras pendentis et authentici duplici sigilli nostri munimine roboratas eisdem duximus concedendas. Datum Budae per manus reverendi in Christo patris domini Thomae episcopi ecclesiae Agriensis, aulae nostra summi et secretarii cancellarii, fidelis nostri dilecti, quinta decima mensis Junii anno domini millesimo quadringentesimo nonagesimo sexto, regnorum nostrorum Hungariae et cetera anno sexto, Bohemiae vero vigesimo quinto, illustrissimo ac reverendissimo venerabilibusque in Christo patribus dominis dominis Hippolito Esten[si] de Aragonia tituli sanctae Luciae in Silice sacrosanctae Romanae ecclesiae diacono cardinali Strigoniensi, Petro Colocensi archiepiscopis, eodem Thoma Agriensi, Osvaldo Zagrabiensi, Ladislao Gereb Transilvaniensi, Dominico Varadiensi, Sigismundo Quinqueecclesiensi, Francisco electo et confirmato Jauriensi, Joanne Vezprimiensi, Luca Csanadiensi, Nicolao de Batthor Vacziensi, Antonio Nitriensi, Simiensi sede vacante, Gabriele Boznensi, Briccio electo et confirmato Tinniniensi, Christophoro Modrassensi, Michaele electo Segniensi ecclesiarum episcopis ecclesias die feliciter gubernantibus, item et spectabili et magnificis Stephano de Zapollya comite Scepusiensi ac dicti regni nostri Hungariae palatino, comite Petro Gereb de Wingarth iudice curiae nostrae, Bartholomaeo Dragfi de Belthewek vaivoda partium regni nostri Transilvanarum et comite Siculorum nostrorum, Johanne Corvino Oppaviae et Liptoviae duce nec non praedictorum regnorum Dalmatiae, Croatiae et Sclavoniae, Petro Tharnok de Macskás et Jacobo Gerlisthiae Zewriniensi banis, Ladislao de Losoncz thavernicorum, Nicolao Banffi de Lindva ianitorum, Georgio de Kanisa et Joanne de Bebeek de Pelswek pincernarum, Emerico de Perén dapiferorum, Joanne Zrin de Chatornya agazonum et Blasio de Paska cubiculariorum regalium magistris, Josae de Som comite Themesiensi ac generali capitaneo partium regni inferiorum aliisque compluribus curiae et regni nostri officia tenetibus et honores.

Unter dem Text von der Kanzlei: Ad relationem venerabilis Georgii praepositi sancti Nicolai de Alba et cetera, secretarii regiae maiestatis.