Urkunde Nr. 539 aus Band I

Seite im UB:

488-490 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Wass, Czege [Wass csalad].

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

539

Thorenburg 1337 Dezember 10 Thomas, Woiwode von Siebenbürgen, fordert das Weissenburger Kapitel auf, Jakob, Bruder Gyerew's, in der Streitsache mit Nikolaus Wos iunior vor den Woiwoden vorzuladen.

[S. 489] Discretis viris amicis suis reverendis honorabili capitulo ecclesiae Transsilvanae Thomas vaivoda Transsiluanus et comes de Zonuk sincerae reverentiae et amicitiae continuum incrementum. Noverit vestrae discretionis amicitia, quod in congregatione nostra generali anno domini M^o CCC^o XXX^mo septimo, feria quarta proxima post octavas festi beati Andreae apostoli in Thorda celebrata Nicolaus dictus Wos iunior de sancto Egidio de medio universorum assurgens exhibuit nobis quasdam literas clausas nostras videlicet Petew vicevaivodae nostri, Nicolai comitis de Cluus et iudicum nobilium de eodem citatorias et iudiciales, in quibus Jacobum filium Johannis filii Mykola fratrem Gyerew contra eundem Nicolaum dictum Wos iuris ordine citatum in sex terminis legitimis, videlicet in primis in quadam congregatione nostra anno in praedicto, in octavis festi sancti Georgii martyris,¹⁾ universitati nobilium partis Transsiluanae in Thorda celebrata, eodem Nicolao dicto Wos de medio assurgente et contra ipsum Jacobum fratrem Gyerew in hunc modum, quod ipse Jacobus socerum suum quondam comitem Desew dictum de Elephanth ad possessionem suam Zenthegied vocatam potentialiter adducendo et eandem possessionem spoliando et destruendo, equaciam suam quadraginta equas magnas et adultas poledrorum²⁾ procreatas continentem abstulisset et aufferri fecisset sua astucia et inductione mediante, quas idem comes Desew ipsi Jacobo genero suo contulisset et nunc existerent apud eundem, duos servientes suos interficiendo et in praemissis omnibus damnum sibi trecentarum marcarum irrogando, agente et proponente, item in quindenis octavarum festi eiusdem³⁾ necnon in octavis festivitatis omnium sanctorum,⁴⁾ in quindenis festi beatae Elyzabeth viduae⁵⁾ ac in quadam alia congregatione nostra generali feria tertia proxima post festum beati Andreae apostoli⁶⁾ universis nobilibus de Doboka et de Cluus comitatuum in Bonchyda habita et in posterum in congregatione nostra generaliori proxime sequenti, communitati⁷⁾ universorum nobilium totius partis Transsiluanae feria quarta praescripta in Thorda celebrata, continue se succedentibus et decurrentibus, comperimus non comparuisse, immo penitus se a facie nostra iudiciaria occultasse et absentasse, se per omnia in praemissis nihilominus convinci permittendo in praeiudicium iuris et iustitiae eiusdem Nicolai derogationem. Unde licet iudiciariae auctoritatis vindex sententia in ipsum Jacobum iam dudum iure promulgari debuisset, tamen nos rigori iuris misericordiae lenitatem, qua universos crudelitate temerariae rebellionis importunizantes ad debitae obedientiae observantiam et stramitem in ius iudiciarium revocare tenemur, praeferentes, vestrae discretionis amicitiam requirimus diligenter, quatenus vestrum mittatis hominem fide dignum pro testimonio, quo praesente Jacobus filius Chama de sancto Egidio vel Nicolaus de Moch altero absente homo noster, in comitatibus de Cluus et de Doboka praedictis, in [S. 490] tribus foris comprovincialibus, videlicet feria quinta proxima post diem strennarum¹⁾ in foro de Clusvara. feria tertia huic proxime sequenti²⁾ in foro de Bonchyda et quarta feria post eundem terminum proxima³⁾ in foro de Desvara nunc affuturis, eundem Jacob um fratrem Gyerew, ut idem in octavis festi purificationis virginis gloriosae proxime venturis,⁴⁾ in sancto Emerico coram nobis compareat et iuri pareat de facto principali annotato contra praedictum Nicolaum dictum Wos peremptorie responsurus⁵⁾ et nobis de nostris iudiciis satisfacturus, legitime faciat palam proclamari. Datum die et loco et anno congregationis nostrae ante dictis.

Auf der Rückseite Adresse: Discretis viris et honestis amicis suis reverendis honorabili capitulo ecclesiae Transsiluanae pro Nicolao dicto Wos iuniori.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-7 auf S. 489, 1-5 auf S. 490 (dortige 6 zu nachfolgender Urkunde).^{^}

1) Mai 1. ^{^}
2) Vorlage nochmals: poledrorum.^{^}
3) Mai 15. ^{^}
4) November 8. ^{^}
5)Dezember 3. ^{^}
6) Dezember 2. ^{^}
7) Vorlage: comitati.^{^}

1) 1338 Januar 8.^{^}
2) 1338 Januar 13.^{^}
3) 1338 Januar 14.^{^}
4) 1338 Februar 9.^{^}
5) Vorlage: respunsurus.^{^}