Urkunde Nr. 5137 * aus Band VIII
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Urkundensammlung [Colecţia de documente medievale], Serie U. III (Inventar 27), Nr. 83.
- Druckvorlage:
- nach Original
- Abdruck als:
- Volltext
- Sprache:
- Latein
5137 *
Im Heerlager bei der Belagerung von Stuhlweissenburg 1491 Juli 8 König Wladislaus II. befiehlt Richter, geschworenem Rat und allen Bürgern des Marktes Broos und seiner Pertinentien, in den Verband der Sieben Stühle zurückzukehren, wie bisher auch zukünfitg alle Lasten und Abgaben mitzutragen und der Stadt Hermannstadt und den Sieben Stühle alle ausstehenden Gelder zu zahlen. Orig. Pap. Staatsarch. Hermannstadt, U III 83. Siegel, rund, in rotes Wachs, papierbedeckt, unter dem Text aufgedrückt. -- Abschrift Pap. 19. Jh., ebd. beiliegend. - auch Abschrift ebd., Nachlass Teutsch, Nr. 581, fol. 1f. - auch Abschrift Staatsarch. Klausenburg, Colecţia Personală Aranka György (Inventar 1153), dosar 4, 35-36 [nach Dörner]
Druck: Archiv (
») Neue Folge XV, 1880, 218-219 Nr. 66.
Regest: Hadtörténelmi közlemények (
») XIII, 1913, 613. Dörner, Broos (
») I, 82 Nr. 170.
Comissio propria domini regis.
Wladislaus dei gratia rex Hungariae et Bohemiae et cetera fidelibus nostris circumspectis iudici et iuratis ceterisque civibus ac toti communitati oppidi nostri Zazwaros et pertinentiis eiusdem salutem et gratiam. Nuper cum intellexissemus, quod vos e medio et a iurisdictione fidelium nostrorum prudentum et circumspectorum magistri civium ac iudicum et iuratorum ceterorumque Saxonum nostrorum septem sedium Saxonicalium, cum quibus semper et ab antiquo uniti fuistis, abstraxissetis. Vobis scripseramus et commisseramus, ut rursus ad eos audire et sicuti antea cum illis sedibus uniti extitistis, ita impraesentiarum quoque et perpetuis successivis temporibus uniti et conformes esse deberetis. Nunc vero ex eorundem Saxonum nostrorum querela intelleximus, quod vos spretis huiusmodi literis et commissionibus nostris id hactenus facere minime voluissetis nec velletis etiam imposterum, quod profecto et moleste ferimus et vobis gravissime etiam imputamus, cum autem nos nulla ratione pati velimus, ut vos a ceteris sedibus cum quibus, ut intelligimus, semper uniti fuistis, quoquomodo separati sitis. Fidelitati igitur vestrae harum serie strictissime praecipiendo committimus et mandamus, quatinus a modo deinceps ad praefatas sedes et Saxones nostros rursus audire et attendere ac omnes solutiones et alia quaevis negotia in medio eorum sicuti antea facere et subire debeatis et teneamini. Praeterea volumus et vobis etiam districte committimus, ut omnem etiam illam pecuniam, quam hactenus a tempore videlicet illo, quo vos ab eisdem abstraxistis, in medio ipsorum non persolvistis, eisdem persolvere debeatis, alioquin nos informavimus et plenam etiam facultatem nostram dedimus damusque per praesentes eisdem magistro civium ac iudicibus et iuratis senioribus dictae civitatis nostrae Cibiniensis ac septem sedium Saxonicalium, quid vobiscum agere et qualiter etiam ac quibus modis vos ad haec facienda artare et compellere debeant, auctoritate nostra praesentibus ipsis in hac parte plenarie attributa mediante. Aliud ergo nullatenus facere praesumatis. Praesentibus perlectis exhibenti restitutis. Datum in castris exercitus nostri sub obsidione civitatis Albae Regalis feria sexta proxima post festum visitationis beatissimae Mariae virginis, anno domini millesimo quadringentesimo nonagesimo primo, regnorum nostrorum Hungariae et cetera primo, Bohemiae vero vigesimo.
Auf der Rückseite am unteren Rand: ad Zazwaros.