Urkunde Nr. 522 aus Band I

Seite im UB:

474-475

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 2995.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

522

1336 März 22 Das Weissenburger Kapitel bezeugt, dass Comes Nikolaus von Talmesch seine Besitzung Martinsdorf den Söhnen seiner Schwester, Michael und Paul von Epindorf geschenkt hat.

Capitulum ecclesiae Transiluanae omnibus Christi fidelibus praesentem paginam inspecturis salutem in salutis largitore. Ad universorum notitiam tam praesentium quam futurorum harum serie volumus pervenire, quod comite Nicolao filio Corrardi de Tolmach ab una parte et Michaele ac Paulo filiis Nicolai de Epindorf ab altera coram nobis constitutis, idem comes Nicolaus filius Corrardi dixit et proposuit, quod quia praedicti Michael et Paulus filii Nicolai essent filii procreati de sorore sua uterina, ideo eos speciali amore et favore volens et cupiens pertractare quandam possessionem suam donatitiam per quondam Ladislaum regem Hungariae Mortunfolwa vocatam et in sede de Selk constitutam dedisset et donasset praedictis Michaeli et Paulo filiis sororis suae, et per eos eorum heredibus heredumque suorum successoribus, cum omni eo iure et dominio, cumque ipse habuit, tenuit et possedit, ac sub eisdem metis et terminis sub quibus et cum quibus ipse tenuit, habuit et possedit, videlicet terris arabilibus, silvis, aquis, pratis et nemoribus ad eandem pertinentibus perpetuo et irrevocabiliter tenendam, possidendam pacifice quiete et habendam, et coram nobis dedit, tradidit et assignavit modo, ordine ac forma quibus supra declaratur. Et in Signum pleni dominii et pacificae possessionis omnia privilegia et munimenta super donatione et dominio praedictae possessionis et villae Mortunfolwa vocatae confecta eidem Michaeli et Paulo tradidit coram nobis renunciando omni iuri et dominio, quod hactenus in eadem villa et possessione habuisset vel habere potuisset in futurum et ipsum ius ac dominium in eosdem Michaelem et Paulum plenarie transferendo. In cuius rei memoriam perpetuamque firmitatem ad instantiam et petitionem praedictarum partium praesentes nostras literas concessimus sigilli nostri pendentis munimine robo- [S. 475] ratas. Datum et actum feria sexta proxima ante dominicam Ramispalmarum anno domini millesimo CCC^mo tricesimo sexto. Dominico praeposito, Santo cantore, Thoma custode et magistro Nicolao archidiacono de Hunyad decano ecclesiae nostrae existentibus.