Urkunde Nr. 5422 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 650.

Druckvorlage:

nach Original

Abdruck als:

Volltext

Sprache:

Latein

---

5422 *

Burgberg bei Winz 1494 März 13 Die siebenbürgischen Woiwoden Ladislaus von Losoncz und Bartholomäus Drágffy von Béltek mahnen alle Amtsträger sowie die Bewohner der Städte, Märkte und Dörfer auf Ersuchen von Bürgermeister, Richter und Rat der Stadt Hermannstadt, diese gemäß königlichen Briefen Diebe und Räuber überall frei und ungehindert verfolgen, einfangen und nach Verdienst, auch mit dem Tode, bestrafen zu lassen.

Ladislaus de Lossoncz et Bartholomaeus Dragfy de Belthew waywodae Transsilvani et comites Siculorum et cetera universis et singulis nobilibus, comitibus, castellanis, officialibus vicesque eorum gerentibus, item civitatibus, oppidis ac villis et earum rectoribus et villicis aliisque cuiusvis status et conditionis hominibus in his partibus Transsilvanis ubilibet constitutis et existentibus praesentium notitiam habituris salutem et favorem. Exponitur nobis in personis circumspectorum magistri civium necnon iudicis et iuratorum civium civitatis Cibiniensis, quomodo regia maiestas ipsis exponentibus scilicet toti civitati id mediantibus litteris suis gratiose annuisset et conussisset, ut ipsi exponenter universos fures et latrones perquirendi captivandique et ipsis poenam sive mortem quam mereri videbuntur infligendi haberent potestatis facultatem. Supplicatum itaque exstitit nobis in personis eorundem exponentium, ut et nos penes praescriptas litteras regales propter maiorem earundem litterarum regalium continentiam per quospiam observationem eisdem exponentibus dare et concedere vellemus. Quare requirimus vos et niholominus vobis et cuilibet vestrum serie praesentium firmiter committimus et mandamus, quatenus agnitis praesentibus a modo scilicet inposterum iuxta continentiam et tenorem praescriptarum litterarum regalium dictis exponentibus dictos universos fures et latrones ubique libere et sine omni impedimento aliquali perquirire, perquisitos quoque et inventos captivari ac poenam sive mortem quam merebebuntur eisdem infligi facere permittatis et permitti faciatis. Secus non facturi. Praesentibus perlectis exhibentibus restitutis. Datum in Borberek feria quinta proxima post dominicam Laetare, anno domini millesimo quadringentesimo nonagesimo quarto.