Urkunde Nr. 509 aus Band I

Seite im UB:

462-463

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

509

1334 Juli 29 Das Weissenburger Kapitel bezeugt, dass Priester Andreas Namens des siebenbürgischen Bischofs Andreas Einsprache dagegen erhebt, dass die Söhne Salomons und Daniels von Kelling den Zehnten aus dem Dekanat Spring dem Bischof vorenthalten.

Nos capitulum ecclesiae Transsiluanae damus pro memoria, quod Andreas sacerdos procurator venerabilis in Christo patris et domini domini Andreae dei et apostolicae sedis gratia episcopi Transsiluani domini et praelati nostri coram nobis constitutus dixit et protestatus exstitit oraculo vivae vocis, quod licet ipse in procuratione et locatione universarum decimarum decanatus de Spring sollicitus esset et eas locare et vendere voluisset et potuisset, tamen Nicolaus filius Salomonis, Nicolaus et Michael filii Danielis nobiles de Kelnuk impedirent, quominus ipsae decimae debito ordine et modo possent vendi et locari, interdicendo et prohibendo tam sacerdotibus, quam iobagionibus villarum suarum, ne easdem decimas conducere aut vecturam earum recipere praesumant, et quod etiam vectores et conductores de alienis villis ipsi nobiles comminationes et terrores imponendo repulissent nec ullo modo admisissent fraudulenter et malitiose colores praetendendo et dicendo, quod proprium currum domini nostri episcopi ad singulas villas et earum decimas deberet ponere et ordinare. Cum tamen eis notorium sit, hoc esse impossibile et sic per indirectum dominum suum episcopum et ipsum in persona domini sui episcopi a perceptione et locatione earundem decimarum excludere molirenter, ipsi etiam nobiles Nicolaus filius Salomonis et Nicolaus ac Mychael filii Danielis personaliter pro tam modico pretio et quantitate emere et conducere easdem decimas satagerent et intenderent, quod in nullo valori ipsarum deeimarum et maxime tempore anni praesentis, ipsa emptio poterat correspondere, immo delusoria et trufatica videbatur, ita quod malitia et calliditas nobilium praedictorum ad hoc, ut eaedem decimae secundum libitum voluntatis eorum eis posset cedere et remanere, omnes vias et modos, quibus dispositio earundem decimarum poterat praevideri, conclusissent et praeveniendo suffocassent. Quare idem Andreas sacerdos procurator dixit protestando, quod per eum non stabat nec staret, quin praedictae decimae cum sint tempore periturae debito modo et ordine fuissent venditae et locatae, sed per nobiles praedictos, ut superius est expressum. Unde quidquid damne et periculi in facto earundem decimarum immineret et etiam dominus suus episcopus incurrisset vel incurreret, praedictis nobilibus esset adscribendum, et suo tempore et loco dominus suus Andreas episcopus praelatus noster aut ipse in persona ipsius tam iniuriam quam damna prosequeretur et prosequi esset paratus, ordine, modo et [S. 463] forma quibus foret opportunum. Datum feria sexta proxima post festum beati Jacobi apostoli, anno domini M^o. CCC^o. XXX^mo. quarto.

Auf der Rückseite: Pro nobili in Christo patre et domino Andrea dei et apostolicae sedis gratia episcopo Transsiluano contra Nicolaum filium Salomonis et Nicolaum Mychaelem filios Danielis nobiles de Kelnuk protestationales.