Urkunde Nr. 4832 aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 237.

Druckvorlage:

nach Original

Abdruck als:

Volltext

Sprache:

Latein

---

4832

Ofen 1489 November 13 König Matthias trägt Richter, Rat, Bürgern und der ganzen Gemeinschaft von Kronstadt und dem Burzenland auf, an seine Beauftragten statt des fälligen Martinszinses die Ein-Goldgulden-Steuer abzuführen.

Von der Kanzlei: Commissio propria domini regis.

Mathias dei gratia Hungariae Bohemiaeque rex necnon dux Austriae, et cetera. Prudentes et circumspecti fideles nobis dilecti. Scitis quia pro festo sancti Martini episcopi, iam elapso nobis de antiqua consuetudine certum censum solvere deberetis. Verum quia census et taxa vestra huiusmodi consueta respectu praesentis necessitatis nostrae est admodum exiqua, nam vosmet ipsi considerare potestis quantam necessitatem nunc de ipsa pecunia habeamus, cum nobis sit hiis diebus cum serenissimo domino Romanorum rege convenientibus, quo etiam ituri iam nos ex Buda de facto movimus. Ceterum audire etiam potuistis universum regnum et regnicolas nostros nobis pro expensis huiusmodi conventionis nostrae, contributionem unius aurei iam obtulisse, consideratione scilicet talismodi necessitatis nostrae. Ideo misimus ad vos et in medium vestri hunc fidelem nostrum egregium Paulum de Kethhaz, familiarem nostrum eique informationem dedimus, quid vobis in tanta necessitate nostra unacum egregio Vincencio castellano castri nostri Hwnyad cui ut secum ad vos pariter accedant, commisimus referre et quantam summam a vobis expetere debeat. Itaque fidelitates vestras rogamus, eisdemque nihil ominus firmiter committimus et mandamus, ut visis praesentibus, statim in unum convenire et congregari, ac ea, quae idem Paulus de Kethhaz, praesente dicto Vincencio castellano, nomine nostro, vobis referet, credere atque prout ex eodem intelligetis, et sicuti semper hactenus nobis in nostra necessitate benivole subvenistis, ita etiam nunc, sine mora et difficultate, summam illam citissime expedire curetis et debeatis, atque ad manus ipsius Pauli de Kethhaz per eum nobis afferendam assignare. Hortamur eutem vos, immo rogamus, ut difficultatem in hac re nullam faciatis neque ad nos pro hac causa mittatis, quoniam si id feceretis negotia nostra plurimum et maxime perturbaretis. Relationem autem homens vestri, a nobis nullam reprotarent, nam nos plenam dedimus informationem eidem Paulo Kethhazy, quid vobiscum in hac re finaliter facere debeat. Aliud ergo non facturi. Datum Budae feria sexta proxima post festum beati Martini episcopi et confessioris, anno domini et cetera LXXX^mo nona.

Auf der Rückseite Adresse: Prudentibus et circumspectis iudici et iuriatis ceterisque civibus et toti communitati civitatis nostrae Brassouiensis et terrae Barczensis fidelibus nobis sincere dilectis.