Urkunde Nr. 4817 aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell III, 25.

Druckvorlage:

nach Original

Abdruck als:

Volltext

Sprache:

Latein

---

4817

Gurghiu 1489 April 9 Der siebenbürgische Woiwode Stephan Báthori fordert Richter und Rat von Kronstadt auf, die vom König verlangten Subsidiengelder unverzüglich an den Kammergrafen Martinus Tharczay abzuführen.

Circumspect[i v]iri¹⁾ nobis dilecti. Non dubitamus vobis constare, quod et quale subsidium regia maiestas a vobis poposcerit, et per egregium Martinum Tharczay comitem camararum harum partium e medio vestri exigere commiserit. Et qui regia maiestas nobis mandat, ut vos ad disponendum ipsum subsidium seu taxam arcius compellamus, ideo requirimus vos et nihilominus committimus vobis paesentibus, quatenus ipsum subsidium seu taxam per regiam maistatem a vobis optatam e medio vestri ad terminum et diem illum²⁾ quem praefatus Martinus Tharczay vobis deputaverit, disponere et ordinare ac ipsi Tharczay persoluere debeatis et teneamini, sine recusa et dilatione. Alioquin nos iuxta mandata regia vos ad haec compellere habebimus. Datum in Gergyn feria quinta proxima ante dominicam Ramispalmarum, anno et cetera LXXX nono.

Comes Stephanus de Bathor, vaivoda Transsiluanus et cetera.

Auf der Rückseite Adresse: Circumspectis viris iudici ac iuratis civibus et toti communitati necnon universis Saxonibus civitatis Brassouiensis et pertinentiarum eiusdem nobis dilectis.


1) Lücke 6 mm.^{^}
2) So Vorlage. ^{^}