Urkunde Nr. 4812 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 465.

Druckvorlage:

nach Original

Abdruck als:

Volltext

Sprache:

Latein

---

4812

Wien 1489 Februar 14 König Matthias gibt allen Amtsträgern Siebenbürgens bekannt, dass in Zukunft nur jene Längenmasse und Gewichte in Geltung bleiben, die in den Sieben und Zwei Stühlen und in Kronstadt seit alters her üblich sind.

Von der Kanzlei: Commissio propria domini regis.

Mathias dei gratia Hungariae Bohemiaeque rex necnon dux Austriae et cetera fidelibus nostris universis et singulis dominis praelatis, baronibus comitibus, castellanis, nobilibus eorundemque officialibus, item civitatibus, oppidi et villis ac camararum nostrarum et quorumlibet comitatuum locis earumque praefectis, rectoribus, magistris civium, iudicibus, villicis et iuratis cunctis etiam aliis cuiusvi status et conditionis hominibus ubivis in partibus regni nostri Transsilvabis constitutis et existentibus praesentium notitiam habituris salutem et gartiam. Venientes nostri in praesentiam fideles nostri prudentes et circumspecti magister civium ac nonulli alii iudices et seniores septem sedium Saxonicalium declarare curaverunt in hunc modum: Qualiter in praedictis partibus regni nostri Transsilvanis tempore nundinarum et fororum annualium et etiam ebdomalium non solum in civitatibus et oppidis nostris sed etiam in aliorum bonis inter cives et mercatores ac etiam oficiales earundem civitatum et oppidorum ratione diversitatis ulnarum, quarum scilicet altera esset longior, altera vero brevior, plurimae altercationes et dissensiones differentiaque saepe saepius excitari, plurimae etiam iniuriae, fraudes et doli committi solerent. Propter quodlicet super huiuscemodi ulnis ac etiam aliis mensuris puta centenariis sive masis nec non kanthar libris et similibus ponderibus certi ex illis septem et duabus sedibus Saxonicalibus nec non terra Barcza et Bistriciensi nonnullisque aliis civitatibus ac oppidis et locis potioribus earundem partium his superioribus temporibus convenissent et concordassent, ut scilicet in omnibus locis in eisdem partibus illis ulnis, illis etiam ponderibus, quibus septem et duae sedes ac Brassovienses ab antiquo usi fuerunt et utuntur, de cetero uti deberent. Tamen quaedam aliae civitatis et oppida fuissent, quae hanc ordinationem et compositionem sine speciali nostro mandato et commissione acceptare noluissent, sed inter se adhuc triplicem vel quadruplicem differentiam in eiuscemodi ulnis et ponderibus haberent. Nos igitur volentes huiuscemodi altercationibus, differentiis et diffensionibus finem imponere, atque illis fraudibus et dolis, quae in huiusmodi diversitate ulnarum et ponderum negotiantibus evenire solent, obviare ac indempnitati universitatis subditorum earundem partium Transsilvanarum gratiose consulere et providere, decrevimus itaque et statuimus per praesentes, quod a modo deinceps univerae cicitates et oppida ac alia omnia loca tam scilicet nostra, quam aliorum quarumcumque per totam provinciam illam Transsilvanam una et eadem ulna, ulnis etiam et eisdem centenariis sive masis nec non kanthar et libris aliisque similibus ponderibus negotiarii ubique et frui debeant, quibus praefatae septem et duae sedes Saxonicales ac Brassovienses ab antiquo usi esse dinoscuntur et utuntur etiam impraesentiarum. Quare fidelitati vestrae et cuiuslibet vestrum harum serie firmiter praecipimus et mandamus, quatenus a modo imposterum huiusmodi ulnas et pondera praefatarum septem et duarum sedium Saxonicalium et Brassovienses ubique in illis partibus ad mittere et acceptare, neque ulla alia ulna, aut etiam aliis mesuris et ponderibus, praeterquam dictae septem et duae sedes ac Brassovienses utuntur negotiari ac uti et frui praesumatis nec sitis ausi modo aliquali gratiae nostrae sub obtentu. Et haec volumus per fora et alia loca publica ubique facere proclamari. Praesentibus perlectis exhibenti restitutis. Datum Viennae in festo beati Valentini martiris, anno domini millesimo quadringentesimo octogesimo nono.