Urkunde Nr. 4810 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. I, Nr. 16.

Druckvorlage:

nach Abschrift

Abdruck als:

Volltext

Sprache:

Latein

---

4810

Wien 1489 Februar 12 König Matthias trägt den Sieben und Zwei Stühlen auf, die Bistritzer Schmiede am Verkauf von Sensen und anderen Eisenwaren an Markttagen in ihrem Gebiet zu hindern.

Mathias dei gratia Hungariae Bohemiaeque rex necnon dux Austriae et cetera fidelibus nostris prudentibus ac circumspectis magistris civium ac iudicibus et senatoribus septem et duarum sedium Saxonicalium salutem et gratiam. Gravem querelam fidelium nostrorum universorum magistrorum fabrorum in eisdem sedibus commorantium accepimus continentem, qualiter fabri de civitate nostra Bistriciensi et suis pertinentiis contra antiquas libertates et consuetudines ipsorum exponentium falcastra et alia similia instrumenta ferrea tempore nundinarum in medium eorundem exponentium introducerent et afferent et per hoc ipsos exponentes in suis libertatibus multipliciter impedirent. Quia vero nos praedictos exponentes in huiusmodi antiquis ipsorum libertatibus per¹⁾ praefatos¹⁾ nequaquam impediri et perturbari volumus, mandamus propterea fidelitati vestrae serie praesentium strictissime, quatenus acceptis praesentibus eosdem exponentes in hac parte nomine et in persona nostra, sub tutelam et protectionem vestram recipere et praedictis fabris extraneis in medium ipsorum exponentium contra huiusmodi ipsorum antiquam consuetudinem et libertatem eiusmodi falcastra et similia instrumenta ferrea nullatenus adducere permittatis autoritate nostra vobis in hac parte atributa mediante. Aliud nullatenus facturi. Praesentibus perlectis exhibenti restitutis. Datum Viennae feria quinta proxima ante festum beati Valentini martyris, anno domini millesimo quadringentesimo octuagesimo nono.


1) Vorlage per fatos. [2x]^{^}