Urkunde Nr. 4809 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1860.

Druckvorlage:

nach Original

Abdruck als:

Volltext

Sprache:

Latein

---

4809

Wien 1489 Februar 11 König Matthias beauftragt Stephan Zewld, Kammergrafen von Frauenbach, den Bewohnern von Stadt und Stuhl Broos die Benützung der Wälder und Gebirgsweiden, die ihnen von den Kastellanen von Hunyad streitig gemacht wird, zu sichern.

Von der Kanzlei: Commissio propria domini regis.

Mathias dei gratia Hungariae Bohemiaeque rex necnon dux Austriae et cetera fideli nostro egregio Stephan Zewld comiti camararum nostrarum de Ryvulodominarum salutem et gratiam. Expositum est nobis pro parte et in personis fidelium nostrorum circumspectorum civium et inhabitatorum in opido nostro ac sede Zaazwaras et pertinentiis suis commorantium, quodlicet ipsi ab antiquo seu vetusto tempore quibusdam silvis et alpibus libere et pacifice usi fuerunt. Tamen nunc eosdem castellani castri nostri Hwnyad non curate huiusmodi libertati ipsorum ab usu eorundem silvarum et alpium prohibendo graviter impedirent et molestarent in praeiudicium et derogamen iurium eorundem manifestum. Quare supplicatum extitit nobis, ut ipsis spuerinde gratiose providere dignaremur. Accepta igitur huiusmodi supplicatione revisionem huiusmodi negotii ex quo tu in praesentiarum in illis partibus Transsilvanis agis, fidelitati tuae duximus committendum et committimus per praesentes mandates eidem firmiter, quatenus acceptis praesentibus si et in quantum praefatos exponents ad huiusmodi silvas et alpes iura habere compereris, ex tunc commitas nomine nostro praenominatis castellanis nostris, ut ipsos non impediant, sed eisdem huiusmodi silvas et alpibus prout¹⁾ ab antique usi fuerint, ista etiam de cetero libere, pacifice et absque aliqua contradictione uti permitant et permitti faciant. Commisimus autem per alias nostras ipsis castellanis nostris, ut in hac parte ea faciant, quaetu eisdem dices et commites. Aliud non facturus. Praesentibus perlectis exhibenti restitutis. Datum Wiennae feria quarta proxima post festum beatae Apolloniae virginis et martiris, anno domini millesimo quadringentesimo octogesimo nono.


1) Ut über der Zeile. ^{^}