Urkunde Nr. 4802 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 457.

Druckvorlage:

nach Original

Abdruck als:

Volltext

Sprache:

Latein

---

4802

Wien 1488 Dezember 24 König Matthias verbietet dem Abt Martin von Egresch, die Untertanen in den Abteibesitzen Scholten, Donnersmarkt, Schoresten und Abtsdorf weiterhin zu bedrücken.

Von der Kanzlei: Commissio propria domini regis.

Mathias dei gratia rex Hungariae,
Bohemiaeque nec non dux Austriae et cetera.

Venerabilis et religiose fidelis nobis dilecte. Intelleximus non sine displicentia qualiter tu populos et iobagiones quarundam quatuor possessionum Sanad videlicet ac Munera, Sothenstain et Hodwylag vocatarum ad illam abbatiam pertinentium, quas videlicet nos iam pridem certis ex causis protectioni magistri civium ac iudicum et aliorum seniorum Saxonum nostrorum septem sedium Saxonicalium nostra in persona commissimus, solito gravius exactionare coepisses et maiores quam prius consuetum esset solutiones et census ad eos imponeres sicque illos pro tuo arbitrio impune vexares et opprimeres. Cum autem nos nequaquam pati velimus ut ipsi iobagiones per te taliter¹⁾ opprimantur et exactionentur mandamus propterea fidelitati tuae harum serie firmissime, quatenus praefatos populos et iobagiones contra antiquam consuetudinem eorundem nullomodo impedire nec ad graviores solito exactiones astringere audeas. Alioquin per alias nostras commissimus et plenam etiam facultatem nostram dedimus eisdem magistro civium ac iudicibus et aliis senioribus Saxonum nostrorum septem sedium Saxonicalium, ut ipsi eosdem populos et iobagiones nostra in persona adversum te protegant et tibi aliquas superfluas aut in consuetas exactiones super eisdem exigere nulla ratione permittant. Aliud nulla oratione facturus. Datum Wiennae in vigilia fest nativitatis domini, anno eiusdem et cetera LXXX^o octo.

Auf der Rückseite Adresse: Honorabili et religioso fratri Martino abbati ecclesiae de Egres fideli nobis dilecto.


1) Über der Zeile.^{^}