Urkunde Nr. 4795 aus Band VIII

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 65.

Druckvorlage:

nach Original

Abdruck als:

Volltext

Sprache:

Latein

---

4795

Wien 1488 September 20 König Matthias bestätigt auf Ersuchen des Kronstädter Plebans Johannes die Stiftung des Kaisers Sigismund von jährlich 40 Goldgulden aus den Kronstädter Steuergeldern zugunsten der Martinskapelle in der Kronstädter Vorstadt.

Nos Matthias dei gratia Hungariae, Bohemiae et cetera rex duxque Austriae memoriae¹⁾ commendamus tenore praesentium significantes quibus expedit universis, quod pro parte et in persona fidelis nostri honorabilis magistri Johannis plebani civitatis nostrae Brassouiensis nobis expositum extitit cum gravi querela in hunc modum, quod licet serenissimus dominus condam Sigismundus Romanorum imperator et rex Hungariae, praedecessor noster felicis memoriae, plebanis dictae civitatis nostrae pro tempore constitutis, ad peragenda divina officia in capella beati Martini episcopi et confessoris in monte in suburbio scilicet eiusdem civitatis nostrae fundata, singulis annis de censibus et collectis de medio civium et incolarum dictae civitatis nostrae fisco regio provenire debentibus, quadraginta florenos auri davi deputasset. Et nos que visis litteris praefati condam domini Sigismundi imperatoris, strictius commiserimus ut huiusmodi quadraginta florenos de huiusmodi censibus et collectis, sive etiam taxis et contributionibus nostris nobis de illa civitate qualitercunque provenire debentes absque ulla difficultate eisdem plebanis singulis annis persolvi deberent, tamen iam fere a decem annis propter incuriam et negligentiam factorum et officialium nostrorum ipsas collectas, census sew contributiones nostras exigentibus et colligentibus, huiusmodi quadraginta florenos praefato plebano minime exoluti fuissent, neque aliud ... ab eo tempore idem plebanus ex praefata capella habuisset praeter labores et expensas, in dampnum et praeiudicium eiusdem valdemagnum. Quare nobis humiliter supplicatum extitit, ut ne tam pium opus cesset aut omnina pereat graciose providere dignaremur. Nos igitur tum accepta huiusmodi supplicatione, tum vero nolentes sicuti merito non²⁾ debemus praedecessorum nostrorum regum dispositionibus atque salutaribus dispositionibus atque salutaribus ordinationibus contravenire aut eas aliquo pacto infringere, decrevimus ut a modo deinceps huiusmodi quadraginta florenos eisdem plebanis prout dictus condam dominus Sigismundus Imperator mediantibus litteris suis ordinavit et disposuit, singulis annis de praedictis collectis aut censibus vel etiam taxis et contributionibus nostris in omnem eventum exolvi debeant decernimusque per praesentes. Quocirca vobis fidelibus nostris prudentibus et circumspectis iudici et iuratis ceterisque civibus et toti communitati praefatae civitatis nostrae Brassouiensis praesentibus et futuris harum serie firmissime committimus et mandamus aliud nullomodo nullaque ratione habere volente quatenus a modo perpetuis successivis temporibus memorato magistro Johanni plebano consequenterque successoribus suis³⁾ eiuscemodi quadraginta florenos quotannis de collectis aut censibus vel taxis seu contributionibus nobis de illa civitate nostra et vestri medio qualitercumque provenire debentibus iuxta contenta literarum praefati condam domini Sigismundi Imperatoris plenarie et absque ulla difficultate ac quesito subterfugio nostram ad rationem exolvere debeatis et teneamini, quod ut facilius facere possitis committimus strictissime fidelius nostris reverendo domino Urbano episcopo Agriensi moderno thesaurario nostro suisque hominibus et familiaribus ad exactionem praefatorum censuum, collectarum ac taxarum seu contributionem nostrarum quandocunque deputandis futuris etiam thesaurariis nostris ac aliis quibusvis factoribus et officialibus nostris ad exactionem earundem pro tempore constitutis, praesentes visuris ut ipsi vos ab executione praemissorum mandatarum et persolutionum huiusmodi quadraginta florenum nullo pacto cohercere seu prohibere praesumat, sed eiuscemodi census, collectas aut taxas seu contributiones nostras semper cum defectu praefatorum quadraginta florenorum a vobis recipere debeant et teneantur. Aliud ergo nulla ratione facere audeatis. Praesentibus perlectis exhibenti restitutis. Datum Wienne sabbato proximo ante festum beati Mathaei apostoli et ewangelistae, anno domini millesimo quadrigentesimo octogesimo octavo, regnorum nostrorum Hungariae, et cetera anno tricentessimo primo, Bohemiae vero vigesimo.

Rechts unter dem Text, von der Kanzlei: Ad relationem reverendissimi domini Vrbani episcopi Agriensis, thesaurarii regiae maiestatis et cetera.


1) Über der Zeile von der Kanzlei nachgetragen. ^{^}
2) Über der Zeile von der Kanzlei nachgetragen.^{^}
3) Über der Zeile von der Kanzlei nachgetragen.^{^}