Urkunde Nr. 498 aus Band I

Seite im UB:

454-455

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

498

Wissegrad 1332 September 21 Königin Elisabeth beauftragt das Weissenburger Kapitel, den Hattert der Besitzung Busd zu begehen und in den dritten Theil derselben den Propst Tatamerius und dessen Brüder einzuführen.

Elyzabeth dei gratia regina Hungariae fidelibus suis capitulo ecclesiae beati Michaelis archangeli Transylvanae salutem et gratiam. Noverit vestra fidelitas, quod discretus vir magister Johannes custos Albensis ecclesiae pro se et Martino ac magistro Paulo canonico eiusdem ecclesiae Albensis fratribus suis necnon Stephano filio quondam Stephani fratris eorum et Johannes ac Nicolaus filii Andreae dicti Mochk propriis ipsorum in personis pro se et Andrea, fratre eorum coram nobis constituti totalem tertiam possessionis ipsorum Bwzd vocatae in comitatu Albensi in partibus Transsylvanis habitae et pertinentium ad eandem ac quarumvis utilitatum eiusdem honorabili ac discreto viro Tatamerio Albensis ecclesiae praeposito, aulae regiae vicecancellario et Bako ac Stephano fratribus eiusdem domini praepositi mediante privilegio nostro efficaci ob amorem fraternae caritatis et sincerae dilectionis fraternalis perpetuo contulerunt. Itaque fidelitati vestrae praecipientes mandamus, quatenus vestrum mittatis hominem idoneum pro testimonio videlicet unum ex vobis, coram quo Dominicus de Churka,²⁾ de Elekus vel Petew de Gald altero absente homo noster accedat ad faciem praefatae possessionis Bwzd vocatae vicinisque et commetaneis eiusdem convocatis universis et praesentibus praedictis Martino et Johanne reambulent ipsam per veras metas suas et antiquas reambulatamque dividant cum omnibus suis utilitatibus, [S. 455] compensata qualitate et quantitate eiusdem, per novarum metarum erectiones in tres partes coaequales et tertiam partem dictae possessionis et omnium utilitatum eiusdem statuat ipsis domino Tatamerio Albensi praeposito, Bako et Stephano fratribus suis perpetuo possidendam, si non fuerit contradictum, contradictores si qui fuerint, contra eosdem ad praesentiam Thomae vaivodae Transsiluani proximi nostri citetis ad terminum competentem. Et post haec diem citationis, terminum assignatum, nomina citatorum cum cursibus metarum totiusque facti serie fideliter ipsi Thomae vaivodae rescribatis, et si opus fuerit partibus praedictas literas vestras privilegiales vel patentes super ipsa divisione emanari faciatis. Datum in Wissegrad, in festo beati Mathei apostoli et evangelistae, anno domini M^o CCC^o XXX^o secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 454 (1 zu voranstehender Urkunde).^{^}

2) Fehlt der zu de Elekus gehörige Personenname.^{^}