Urkunde Nr. 2296 aus Band IV

Seite im UB:

642-643

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 30.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2296

Prag 1437 September 25 König Sigmund schenkt der Martinskapelle in Kronstadt eine Hofstelle.

Nos Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod nos, qui ad beatissimum Martinum episcopum et confessorem inter ceteros dei sanctos singularem spem et devotionem specialem gerimus et habemus, sessionem seu fundum curiae nostrae maiestatis nunc desertam et aedificiis destitutam in civitate nostra Brassouiensi ex opposito claustri beatorum Petri et Pauli apostolorum existentem simul cum omnibus utilitatibus et pertinentiis eiusdem quibuslibet ad ipsam sessionem seu fundum curiae spectantibus et per- [S. 643] tinere debentibus praefatae capellae beati Martini episcopi consequenterque rectori eiusdem pro tempore constituto, ut eo magis divinus cultus in ipsa capella pro nostrae et nostrorum praedecessorum regnum Hungariae animarum refrigerio et salute continuetur atque augeatur ac eiusdem capellae ministri ad peragenda ibidem divina obsequia ferventius exardescant dedimus, donavimus et contulimus, imma donamus et conferimus iure perpetuo et irrevocabiliter tenendam, possidendam pariter et habendam salvo iure alieno, harum nostrarum vigore et testimonio literarum mediante. Datum Pragae, feria quarta proxima post festum beati Mathei apostoli et evangelistae, anno domini millesimo quadringentesimo tricesimo septimo, regnorum nostrorum anno Hungariae et cetera L^o primo, Romanorum XX septimo, Bohemiae XVIII^o, imperii vero quinto.