Urkunde Nr. 2278 aus Band IV

Seite im UB:

623-624

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2278

Prag 1437 Februar 7 König Sigmund befiehlt dem Woiwoden Petrus Cheh, Siebenbürgen gegen die Türken zu schützen und teilt u. a. mit, dass er in kurzer Zeit mit einem grossen Heere gegen die Türken ziehen werde.

Von der Kanzlei: Commissio propria domini imperatoris Emerico de / Marczaly magistro curiae referente.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et ceter rex.¹⁾ Magnifice²⁾ fidelis nobis sincere dilecte. Acceptis literis tuis per hunc famulum tuum maiestati nostrae tui parte allatis earumque continentiis, sed et intimatis tuis per ipsum famulum tuum coram nobis sermone vocali propositis et relatis sane et per omnia intellectis, volumus et tuam fidelitatem seriose requirimus et rogamus, eidem nihilominus firmissime mandantes committimus, quatenus circa tuitionem, defensam et tranquillam conservationem partium nostrarum Transsiluanarum iuxta nostram dispositionem et commissionem tibi factam una cum ceteris illarum partium fidelibus contra insultus saevissimorum Turcorum, qui pluribus iam viribus his proximis diebus in partibus nostris inferioribus more lupi rapacis captis praedis, ipsas partes nostras Transsiluanas subintrare et depraedare moliuntur, tam sollerter sum diligentique ac sollicita cura invigiles et attendas, ut eisdem partibus nostris Transsiluanis et per consequens earum incolis per insultum ipsorum Turcorum periculum non contingat evenire. Scire nihilominus te volumus, quod audito novissime et percepto obitu illius quondam fidelis nostri sincere dilecti magnifici Mathius de Paloucz regni nostri Hungariae palatini, cor nostrum non modici doloris aculeo existit sauciatum. Et ex alio oportet nos in solemnitate coronationis serenissimae dominae Barbarae conthoralis nostrae carissimae feria secunda proxime affutura³⁾ domino concedente in castro nostro Pragensi cum corona praetacti regni nostri Bohemiae feliciter fiendae laetari et iocundari, peractisque auspice domino in ipso regno nostro Bohemiae cunctis nostris negotiis, non post multi temporis fluxum cum ingenti Bohemorum exercitu, quem iam de facto disposuimus, in ipsum regnum nostrum Hungariae contra praedictos Turcos fortiter processuri revertemur et proficiscemur, de omnibus et singulis his quae tutelam et tranquillum statum eiusdem regni nostri Hungariae concernunt, modis melioribus quibus
[S. 624] poterimus provisuri. Datum Pragae, secundo die festi beatae Dorotheae virginis, anno domini M^o CCCC^o XXX septimo, regnorum nostrorum anno Hungariae et cetera L^mo, Romanorum XXVII, Bohemiae XVII, imperii vero quarto.

Auf der Rückseite Adresse vom Schreiber der Urkunde: Magnifico Petro Cheh de Lewa vaivodae partium nostrarum Transsiluanarum fideli nobis sincere dilecto.


1) Steht in zwei Zeilen in der Mitte oben.^{^}
2) M in verzierter Ausführung.^{^}
3) Februar 11. ^{^}