Urkunde Nr. 2275 aus Band IV

Seite im UB:

619-620 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 20.

Druckvorlage:

nach Original

Abdruck als:

Volltext

Sprache:

Latein

---

2275

Bologna 1436 Dezember 20 Papst Eugen IV. verleiht dem Dekan des Hermannstädter Kapitels verschiedene Vorrechte.

Eugenius episcopus servus servorum dei ad futuram rei memoriam. ¹⁾ Romanus pontifex Jesu Christi vicarius ad singulorum sibi caelitus commissorum fidelium statum continue in melius dirigendum sui partes ministerii copiosius diffundit et ut fideles ipsi quibusvis ab eis sublatis dispendiis votiva pace fruantur apostolicae curas meditationis vehementius intermittit. Sane pro parte dilectorum filiorum Christanni decani necnon universorum habitatorum et incolarum decanatus Cybiniensis partium Transsiluanarum nobis nuper exhibita petitio continebat, quod nonnunquam plerique calumniatores diversis fallaciis ac frivolis captatis occasionibus habitatores et incolas infra limites eiusdem decanatus moram trahentes eis in pecuniarum summis vel rebus aliis obligatos aut obnoxios fore vel alias actiones ipsis adversus eos competere confingentes desuper a sede apostolica in causis quas contra praefatos habitatores et incolas committi procurant vel apostolicas contra praedictos habitatores et incolas, qui simplices et iuris ignari sunt ad partes illas literas reportant, quarum praetextu habitatores et incolas praefatos ad curiam Romanam seu alia loca ad eorum beneplacitum faciunt ad iudicium evocari ipsique habitatores et incolae propterea pavore territi ut ab ipsorum inquietationibus liberentur cum eis quandoque pro magna pecuniarum summa pacisci, transigere et componere aut eis aliquid ut desistant polliceri et dare necessitantur, unde habitatores et incolae praedicti gravia subeunt detrimenta. Quare pro parte decani habitatorum et incolarum praedictorum nobis fuit humiliter supplicatum ut super his opportune providere de benignitate apostolica dignaremur. Nos itaque huiusmodi supplicationibus inclinati decano, habitatoribus ac incolis praedictis ut nullus ex eis praesentibus et futuris vigore sive praetextu quarumcumque citationum, inhibitionum et monitoriarum²⁾ vel aliarum eiusdem sedis literarum vel legatorum eius quomodolibet obtentarum extra limites dicti decanatus in quibuscumque causis, actionibus et querelis in prima instantia quomodolibet in causam trahi possunt, sed causae ipsae infra praemissos [S. 620] limites vel in dioecesi Strigoniensi non tamen ultra quatuor dietas a fine dictorum limitum computandas audiri, terminari et decidi et deinde in secunda instantia de causis ipsis prout iuris fuerit, nisi saltem in casu denegatae iustitiae cognostatur, apostolica auctoritate concedimus per praesentes necnon omnes et singulas apostolicas ac citationis, inhibitionis et monitionis ac alias literas quascumque necnon processus, interlocutorias diffinitivas ac excommunicationis, suspensionis et interdicti aliasque ecclesiasticas sententias, censuras et poenas quas in contrarium impetrari seu ferri et promulgari necnon totum id et quidquid contra praemissa vel eorum aliquod fieri vel attentari contigerit nullius subsistere robore firmitatis auctoritate apostolica tenore praesentium decernimus et etiam declaramus, non obstantibus constitutionibus et ordinationibus apostolicis ceterisque contrariis quibuscumque. Nulli ergo omnino hominum liceat hanc paginam nostrae concessionis, constitutionis et declarationis infringere vel ei ausu temerario contraire. Si quis autem hoc attemtare praesumpserit indignationem omnipotentis dei et beatorum Petri et Pauli apostolorum eius se noverit incursurum. Datum Bononiae, anno incarnationis dominicae millesimo quadringentesimo tricesimo sexto, tertio decimo Kalendas Januarii pontificatus nostri anno sexto.

Unter der Plica: Fe. G. de Sega.
C. de Reate.

Auf der Plica: A. Schonaw.

Auf der Rückseite von der Kanzlei:
Jo de Maguntia. Ja E.
Regestrata.¹⁾


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 619, 1 auf S. 620.^{^}
[S. 619]
1) Erste Zeile in verlängerter Schrift.^{^}
2) Ursprünglich: manutoriorum.^{^}
[S. 620]
1) R mit eingeschriebenem An.^{^}