Urkunde Nr. 493 aus Band I

Seite im UB:

449

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Abschrift

Abdruck als:

Volltext

Sprache:

Latein

---

493

Szászcsávás 1331 November 6 Comes Ders und die Komitatsrichter von Kokelburg bezeugen, dass Ladislaus und Dominicus die Söhne des Bans Simon in Sachen der Hattertgrenze zwischen Széplak und Hederfája vorgefordert haben, und dass Thomas Namens seiner Brüder den Gang der Grenze angegeben hat.

Nos magister Ders comes de Küküllö, Dominicus filius Vesster et Opper filius Ladislai iudices nobilium de eodem comitatu dantes pro memoria significamus quibus expedit universis praesentium per tenorem, quod cum Ladislaus et Dominicus filii Dominici super constitutione metarum inter villam Szeplak et villam Hederfaja existentium Michaelem, Thomam, Georgium et Nicolaum filios Simonis bani ad nostram legitime praesentiam evocassent et diu inter eos dicta causa ventilata exstitisset, tandem Michael praedictus et Nicolaus iam scriptus pro se et pro Demetrio ac Jacobo fratribus suis iunioribus vice et nomine ipsorum eundem Thomam fratrem ipsorum constituerunt ad praedictas metas condendas. Qui quidem Thomas ipsas metas condit eo modo, ut in superficie montis condit tres metas terreas, item versus partem meridionalem descendendo sub monte unum lacum, quem ipsi Kutfö appellant, abinde versus Küküllö directe vicinitatibus trium viarum, quarum una via veniens de Hederfaja, altera vero Szaszut, tertia autem via descendens de Szeplak directe, idem Thomas pro meta condit, per eandem praeterea viam magnam usque ad litus Küküllö, ubi iuxta molendinum de Bahna¹⁾ transitur, Thomas saepe dictus pro meta assignavit partem praedictarum metarum de parte orientis existentem ad possessionem Szeplak vocatam pertinere, partem vero de parte occidentis ad Hederfaja assignavit et dixit, quod ipsi filii Simonis bani et sui praedecessores in dicta possessione Szeplak usque praedictos possedissent. Datum in Csavas, feria quarta proxima post festum omnium sanctorum, anno domini millesimo trecentesimo tricesimo primo.


1) Vorlage: Bazna.^{^}