Urkunde Nr. 2270 aus Band IV

Seite im UB:

615

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2270

Prag 1436 September 5 König Sigmund beauftragt Petrus und Ladislaus, Woiwoden von Siebenbürgen, die Bewohner von Klausenburg in ihren Rechten und Freiheiten zu schützen.

Von der Kanzlei: Relatio Emerici de Marczaly magistri curiae.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex fidelibus nostris magnificis Petro Cheeh de Lewa et Ladislao de Chaak partium nostrarum Transsiluanarum vaivodis ipsorumque vicevaivodis salutem et gratiam. Cum nos fideles nostros Saxones, videlicet iudicem, iuratos ceterosque cives ac totam communitatem civitatis nostrae Coloswar vocatae simul cum universis hereditatibus et iuribus ac rebus et bonis ipsorum quibusvis iustis ut puta et legitimis item libertatibus ac antiquis consuetudinibus ipsorum, in nostram regiam receperimus^a) protectionem et tutelam specialem viceque nostrae maiestatis personae vestrae commiserimus tuitioni et tutelae speciali, igitur fidelitati vestrae firmiter praecipientes mandamus, quatenus a modo in posterum praefatos Saxones videlicet iudicem, iuratos ceterosque cives ac totam communitatem praedictae civitatis nostrae Coloswar vocatae in praescriptis ipsorum hereditatibus et iuribus ac rebus et bonis eorum universis, iustis ut praefertur et legitimis, item in libertatibus et antiquis consuetudinibus eorundem contra quoslibet illegitimos impetitores tueri, protegere, defensare et indemniter manutenere debeatis nostrae maiestatis in persona et auctoritate vobis praesentibus in hac parte specialiter attributa et iustitia mediante. Secus facere non ausuri. Et hoc idem iniungimus futuris vaivodis et ipsorum vicevaivodis praefatarum partium nostrarum Transsiluanarum, firmiter et inviolabiliter debere observare. Praesentes quoque post earum lecturam reddi iubemus exhibenti. Datum Pragae, feria quarta proxima post festum beati Egidii abbatis, anno domini millesimo quadringentesimo tricesimo sexto, regnorum nostrorum anno Hungariae et cetera quinquagesimo, Romanorum XXVI^to,¹⁾ Bohemiae XVII^o,²⁾ imperii vero quarto.

Unter dem Siegel: Relatio Emerici magistri curiae. [S. 616]


a) UB setzt hier Fußnote 2, ohne Fußmotentext.^{^}

1) Zweites Original: vigesimo sexto.^{^}
2) Zweites Original: decimo septimo.^{^}