Urkunde Nr. 2256 aus Band IV

Seite im UB:

598-600

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 77.

Druckvorlage:

nach Original

Abdruck als:

Volltext

Sprache:

Latein

---

2256

Segedin 1436 April 20 König Sigmund beauftragt die siebenbürgischen Woiwoden Peter und Ladislaus, den Zollstreit zwischen den Sieben Stühlen und Nikolaus, Gregor und Johannes, den Söhnen Johanns von Bethlen, die in Brätzdorf auch von den Kaufleuten der Sieben Stühle Zölle einheben, zu entscheiden.

[S. 599] Von der Kanzlei: Commissio propria domini imperatoris.

Sigismundus dei gratia Romanorum imperator semper augustus ac Hungariae. Bohemiae, Dalmaciae, Croaciae et cetera rex fidelibus nostris magnificis Petro Cheeh de Lewa ac Ladislao de Chaak partium nostrarum Transsiluanarum vaivodis vel ipsorum vicevaivodis salutem et gratiam. Ex insinuatione fidelium nostrorum universorum et singulorum Saxonum septem sedium Saxonicalium partium nostrarum Transsiluanarum per ipsos maiestati nostrae facta, nostra displicenter percepit serenitas, quomodo Nicolaus, Gregorius et Johannes filii quondam Johannis de Bethlem ac ipsorum tributarii in tributis eorum in possessione Berekthe vocata constituti a mercatoribus praedictarum septem sedium Saxonicalium partium nostrarum Transsiluanarum pro victuum suorum necessaria acquisitione hinc inde proficiscentibus rebusque et bonis eorum in praedicta Berekthe tributum et tributarias solutiones exigerent et extorquerent ac alio diversomodo eos¹⁾ impedirent, damnificarent et perturbarent in ipsorum libertatis et praerogativae praeiudicium et derogamen multum grande. Et quia nos praefatos exponentes per²⁾ ipsos²⁾ nobiles²⁾ et eorum tributarios indebite et minus licite impediri nolumus quovismodo, ideo vestrae fidelitati firmissime praecipimus et aliud utique habere nolentes mandamus, quatenus habita praesentium notitia, alio nostro mandato exinde non exspectato, annotatis Nicolao, Gregorio et Johanne filiis quondam Johannis de Bethlem³⁾ aut eorum legitimis procuratoribus ad unum certum terminum cum universis suis literis et literalibus instrumentis, quas et quae super institutione praedicti tributi pro se habent confectas et emanata, vestri in praesentiam vocatis et accersitis, in quo termino et praefati exponentes vel eorum legitimi procuratores consimiliter cum eorum literalibus instrumentis, quae pro se super exemptione praefatae tributariae solutionis habent confecta, comparere tenebuntur eisdemque⁴⁾ partibus coram vobis constitutis et comparentibus, auditis earum propositionibus, allegationibus et responsionibus visis quoque et diligenter examinatis praescriptis eorum⁵⁾ literis et literalibus instrumentis contra sese producendis,⁶⁾ si praefatos exponentes efficaciores et antiquiores literas et literalia instrumenta super exemptione praefatae tributariae solutionis quam praefatos filios [S. 600] quondam Johannis de Bethlen pro se confectas et emanata habere et ipsos a solutione praescripti tributi legitime exemptos fore comperieretis, ex tunc committatis annotatis filiis quondam Johannis de Bethlen, ut ipsi de cetero in loco praedicti tributi a praefatis exponentibus aut eorum altero rebusque et bonis ipsorum tributum et solutiones tributarias exigere et extorquere nequaquam praesumant nec sint ausi modo aliquali, immo ipsos ad id faciendum etiam per eorum gravamina artius compellatis et astringatis nostra auctoritate vobis praesentibus in hac parte attributa et iustitia mediante. Et aliud nullo modo facere praesumatis gratiae nostrae sub obtentu. Praesentibus perlectis exhibenti restitutis. Datum Zegedini, feria sexta proxima ante festum beati Georgii martyris, anno domini M^o CCCC^o XXXVI^to, regnorum nostrorum anno Hungariae et cetera quinquagesimo, Romanorum vicesimo sexto, Bohemiae sedecimo, imperii vero tertio.

Unter dem Siegel: Kanzleibemerkung.

Auf der Rückseite von einer Hand des 15. Jahrhunderts: contra filios Johannis de Bethlem ad tributum Berechte.


1) Über der Zeile nachgetragen.^{^}
2) Auf Rasur. [3x]^{^}
3) Gebessert aus: Bethlen.^{^}
4) Von anderer Hand auf Rasur.^{^}
5) Über der Zeile nachgetragen.^{^}
6) Hierauf quod gestrichen.^{^}