Urkunde Nr. 2233 aus Band IV

Seite im UB:

574-575

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2233

Tyrnau 1435 Juni 9 König Sigmund beauftragt Ladislaus, den Woiwoden von Siebenbürgen, in dem Streit zwischen Nikolaus, dem Sohn des Johann Gereb von Weingartskirchen, und Genossen und Michael, dem Sohn Solomons von Nadas, und Genossen Spring, Troschen und Kleinmühlbach betreffend, eine Entscheidung zu fällen.

Von der Kanzlei: Commissio propria domini imperatoris.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex fidelibus nostris magnifico Ladislao de Chaak partium nostrarum Transsiluanarum vaivodae tuisque vices in iudicatu gerentibus salutem et gratiam. Exponunt nobis fidelis nostri egregius Nicolaus filius quondam Johannis Gereb de Wyngarth aulae nostrae miles ac Demetrius filius Andreae de Gath gravi cum querela, quomodo Michael filius Salomonis de Nadasd ac quondam alter Michael filius alterius Salomonis de eadem Nadasd olim comes Siculorum nostrorum quasdam possessiones Spryng, Drasso et Kyssebes vocatas in comitatu Albensi partium nostrarum Transsiluanarum habitas ipsos exponentes omnis iuris titulo ac vigore certorum literalium instrumentorum concernentium a nostra serenitate nomine iuris nostri regii impetrassent et se contra praedictorum exponentium legitimis prohibitiones in earundem dominium statui procurassent cuiquidem statutioni ipsis exponentibus contradicentibus inter ipsos ab una ac praetactos Michaelem filium Salomonis ac quondam alterum Michaelem comitem Siculorum ex altera partibus prae-[S. 575] textu ipsarum possessionum causae et litis materia vestri in praesentia suborta et iam diutius ventilata fuisset. Quamquidem causam praetactus Michael filius Salomonis ac ipse quondam alter Michael comes Siculorum ipso ad huc veniente simul et demum post mortem eiusdem idem modernus Michael filius Salomonis de Perse diversis prorogationum cautelis adinventis¹⁾ de termino in terminum de octavisque ad octavas per vos procurasset differri et prorogari propter quod iidem exponentes causa in eadem nullum finem habere et consequi potuissent decisivum in ipsorum exponentium praeiudicium non modicum atque damnum. Unde nos huiusmodi causae sine ulteriori illegitima prorogatione finem decisivum imponi volentes fidelitati vestrae firmissime praecipimus et mandamus, quatenus alio nostro mandato exinde non expectato annotatum causam partes inter praedictas vestri in praesentia ut praedicitur motam et vertentem in octavis festi beati Michaelis archangeli proxime venturi²⁾ ad quas ipsa causa prorogative deventa et verti debere dicitur sine omni illegitima prorogatione ulteriori adiudicare ac fine debito et decisivo terminare modis omnibus debeatis. Et aliud nullomodo facere praesumatis gratiae nostrae sub obtentu. Praesentibus perlectis exhibenti restitutis. Datum Tirnauiae, feria quinta proxima post festum Penthecostes, anno domini millesimo quadringentesimo tricesimo quinto, regnorum nostrorum anno Hungariae et cetera XLIX^o, Romanorum XXV^o, Bohemiae XV^o, imperii vero tertio.

Unter dem Siegel: Kanzleibemerkung.

Auf der Rückseite von gleichzeitiger Hand: mandatum domini imperatoris.


1) Über der Zeile nachgetragen.^{^}
2) Oktober 6.^{^}