Urkunde Nr. 2231 aus Band IV

Seite im UB:

572-573 ^a)

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

2231

Tyrnau 1435 Mai 31 König Sigmund verleiht Petrus von Bogat für treue Dienste in den Kämpfen gegen Türken und Hussiten u. a. Besitzanteile in Micoşlaca/Mikóslaka, Weingartskirchen, Gergeschdorf, Rotkirch, Ringelkirch, Birnbaum, Neudorf, Dumitra/Demeterpataka, Henningdorf, Benzenz und Bwdewtelke.

Von der Kanzlei: Relatio Mychaelis Jakch comitis Siculorum.

Nos Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod nos, qui ex innata nobis regia liberalitate cunctorum maiestati nostrae fideliter obsequentium merita et actus virtuosos dignae retributionis bravio metiri solemus eosque exinde praemiis decorare donativis, consideratis et¹⁾ in²⁾ cordis¹⁾ nostri armario digne praemetitis fidelitatibus et fidelium servitiorum laude dignis meritis fidelis nostri egregii Petri filii Emerici de Bogath, quibus ipse nobis et sacrae nostrae coronae regiae in variis nostris exercitualibus expeditionibus et praesertim contra saevissimos Turcos, crucis Christi persecutores nostrosque inimicos ac continuos invasores regnorum nostrorum et signanter partium nostrarum Transsiluanarum, sed et contra perfidissimos haereticos Hussitas, sectam venenosam quondam Johannis Huz damnatae memoriae, per ipsum et eius discipulos in paterno regno nostro Bohemiae praedicto tamquam pseudoprophetas in publico promulgatam et dogmatizatam, qui ultione divina sui patrati sceleris poenas condignas reportarunt, imitantes et tenentes, plerisque viribus instauratis, non parcendo rebus suis et personae sed se et sua pro nostri honoris exaltatione diversis fortunae casibus et imminentibus periculis submittendo, non sine sudorosis laboribus et actibus bellicosis iuxta nostra maiestatis nutum toto animi sui desiderio se gratum reddidit et acceptum, praetextu quorum cupientes eundem Petrum filium Emerici alicuius regiae munificentiae dono ad praesens consolari, to- [S. 573] tum et omne ius nostrum regium, si quod in possessionibus Radnouth in comitatu Albensi et Adamos vocatis in comitatu de Kykelew ac medietatibus praediorum Aczentos, Hywd et Landor nuncupatorum necnon portionibus suis possessionariis in possessionibus Mykloslaka, Vyngarth, Gergerfaya, Wereseghaaz, Lengelkerg, Birbon, Wyfalw, Demeterpataka, Hennengfalwa, Benczencz, et Bwdewtelke in eodem comitatu Albensi, item Kornetelke in dicto comitatu de Kykellew ac Kementelke, Bodon, Ikland, Kapus, Ewrke, Zynd, Berkes et Jara in comitatu de Torda, item Arankwth et utraque Banabiki vocatis in comitatu de Kolos partium nostrarum Transsiluanarum praedictarum existentibus habitis, in quarum pacifico dominio idem Petrus suos et dicti Emerici patris sui progenitores perstitisse et se ipsos persistere asserit etiam de praesenti, quibuscumque causis, modis et rationibus haberemus et nostram qualitercumque concerneret maiestatem, simul cum virgulto Thewlghzeg vocato et piscina Galya appellata ad praedictam possessionem Radnowth uti idem Petrus asserit spectantibus aliisque omnibus suis utilitatibus et pertinentiis quibuslibet, terris scilicet arabilibus, cultis et incultis, silvis, nemoribus, rubetis, pratis, fenetis, montibus, vallibus, vineis et vinearum promontoriis, aquis aquarumque decursibus et generaliter quarumlibet utilitatum et pertinentiarum integritatibus quovis nominis vocabulo vocitatis ad easdem possessiones et portiones possessionarias ac praedia consequenterque ius nostrum regium in eisdem habitum praenotata de iure spectantibus et pertinere debentibus sub suis veris metis et antiquis limitibus ex certa nostrae maiestatis scientia et animo deliberato praefatis Petro et Emirico patri ipsius Petri ipsorumque heredibus et posteritatibus universis, praemissis sic uti superius maiestati nostrae exposita sunt et narrata stantibus et se habentibus, dedimus, donavimus et contulimus, immo damus, donamus et conferimus iure perpetuo et irrevocabiliter tenendas,¹⁾ possidendas¹⁾ pariter et habendas,¹⁾ salvo iure alieno, harum nostrarum vigore et testimonio literarum mediante, quas in formam nostri privilegii redigi faciemus, dum nobis in specie fuerint reportatae. Datum Tirnauiae, feria tertia proxima post festum ascensionis domini, anno eiusdem millesimo quadringentesimo tricesimo quinto, regnorum nostrorum anno Hungariae et cetera quadragesimo nono, Romanorum vigesimo quinto, Bohemiae quintodecimo, imperii vero secundo.

Auf der Rückseite von der Kanzlei: Regestrata.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 42 (1 zu voranstehender Urkunde), 1-8 auf S. 43 (dortige 9-10 zu nachfolgender Urkunde).^{^}
[S. 572]
1) Auf Rasur. [2x]^{^}
2) Über der Zeile nachgetragen.^{^}
[S. 573]
1) So Vorlage. [3x]^{^}