Urkunde Nr. 2219 aus Band IV

Seite im UB:

558-560

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 83.

Druckvorlage:

nach Original

Abdruck als:

Volltext

Sprache:

Latein

---

2219

Pressburg 1435 April 8 König Sigmund erlässt der Stadt Kronstadt und dem Burzenländer Distrikt alle Steuern und Abgaben für die Dauer von sechs Jahren, dem Markt Marienburg aber auf zwölf Jahre, ausgenommen den vom Basler Konzil beschlossenen Fünfzigsten.

[S. 559] Von der Kanzlei: Relatio Mychaelis Jakch comitis Siculorum.

Nos Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex. Memoriae commendamus tenore praesentium significantes quibus expedit universis, quod venientes nostrae maiestatis in conspectum fideles nostri Georgius dictus Burger civitatis nostrae Brassouiensis ac Berenhardus de Prasmar et Sigismundus de Fekethehalom iudices necnon Vincencius filius Zachariae et Petrus filius Mathei iurati cives eiusdem civitatis nostrae Brassouiensis celsitudini nostrae in eorum ac ceterorum universorum iudicum iuratorum civium villicorum et seniorum ac Saxonum nostrorum ipsius civitatis Brassouiensis ac districtus et terrae nostrae Barcensis personis exposuerunt gravi cum querela, qualiter nobis pridem in exteris partibus et regionibus pro susceptione coronarum nostrarum imperialium, quas adiutorio dei feliciter et optate suscepimus laborantibus illi perfidissimi Turci nostrae et sacrae regni nostri Hungariae coronae aemuli crucisque Christi et sacrae orthodoxae fidei durissimi persecutores post multiplicia damna per creberrimas invasiones, devastationes et concremationes praedictarum civitatis et terrae nostrarum Barcensis nostris fidelibus easdem civitatem et terram inhabitantibus illata ipsam civitatem et terram more tyrannico et vehementi hostilique cum impetu subintrantes homines utriusque sexus in miserabilem servitutem abducentes illos, qui remansissent, cunctis rebus et bonis eorum spoliassent et insuper ipsam civitatem Brassouiensem et totam terram nostram Barcensem aedificia quoque et habitacula sed et ecclesias dei et sanctorum reliquias in eisdem habitas ignis incendio concremassent et redegissent in favillam, propter quod ipsi iam ad extremam pauperitatis inopiam devenissent et nisi eis concite de relevaminis remedio¹⁾ providentur utique eos de facie ipsius civitatis et totius terrae Barcza ad alia loca recedere oporteret vagabundos, quorum querelis et supplicationibus nos pia libertate exauditis huiusmodique eorum miseriis et oppressionibus visceribus pietatis compatientes, ne sic damnificati ac tribulationibus et oppressionibus affecti ad graviorem vitam attingere possint et devenire in recompensam praemissorum animo deliberato et ex certa nostra scientia ipsis Saxonibus nostris in praedictis civitate Brassouiensi et terrae nostris Barcensis commorantibus sex annorum item populis et hospitibus in oppido nostro Fewldwar vocato in eadem terra nostra Barcensi habito residentibus, qui maiora aliis ab ipsis Turcis damna perceperunt et detrimenta ad duodecim annorum post sese affuturorum spatia ab omnibus et singulis censibus datiis et collectis nostrae maiestati²⁾ eorum parte tam in argento quam in moneta provenire debentibus dempto solummodo uno integro censu, quem per ipsos nobis ratione et praetextu [S. 560] quinquagesimae ex decreto et institutione sacrosancti Basiliensis concilii per totam christianitatem a personis saecularibus exigendae, uno tantummodo vice anno in praesenti solvi volumus et extradari, duximus eximendum et supportandum, immo eximimus et supportamus praesentium per tenorem. Quocirca vobis fidelibus nostris universis et singulis censuum datiorum et collectarum nostrarum exactoribus nunc constitutis et in futurum constituendis firmissime mandantes praecipimus, quatenus a modo in antea annotatos Saxones nostros civitatis et terrae nostrarum praedictarum usque tempus praefixum ratione non solutionis praedictorum censuum et collectarum per nos eis modo praemisso relaxatarum impedire et molestare ac ad huiusmodi censuum et collectarum solutionem faciendam compellere cogere et arctare nullo modo praesumatis et nec sitis ausi modo aliquali, gratiae nostrae sub obtentu. Praesentibus perlectis exhibenti restitutis. Datum Posony, feria sexta proxima ante dominicam Ramispalmarum, anno domini MCCCCXXX quinto, regnorum nostrorum anno Hungariae et cetera XLIII, Romanorum XXV, Bohemiae XV, imperii vero secundo.

Unter dem Siegel: Relatio [Mychaelis Jakch comitis] Siculorum.


1) Hierauf non durchgestrichen und unterpunktiert.^{^}
2) Hierauf nostrae durchgestrichen und unterpunktiert.^{^}