Urkunde Nr. 2206 aus Band IV

Seite im UB:

533-535

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2206

1434 Oktober 16 Der Rat von Kronstadt ersucht alle geistlichen Richter und besonders den Abt von Kolozsmonostor, Jakob Clugel und Genossen gegen den Geistlichen Johannes Lapicida in Schutz zu nehmen.

[S. 534] Nos iudex iuratique cives civitatis Brassouiae significamus per praesentes quibus expedit universis, quod ad nostram praesentiam citati honesti viri Paulus Clump, Petrus Clump, Martinus Jerischen Hann nuncupatus, Cristannus Theysen, Johannes Jerischen Hannis, Michael Rusch, Jacobus Gurges, Michael Tucher, Gerlach Vector, Cristannus Jaspeyen nostri concives et requisiti per iuramentum de veritate dicenda super causa subscripta. Qui depositis iuramentis nobis retulerunt, quod dum ipsi post insultus Turcorum de quadam turri nostrae civitatis super quam propter securiorem ipsarum personarum conservationem et defensionis civitatis [causa] per nos fuerunt constituli descenderent, castrum ascendentes turri dimissa, quidam socii qui supra ecclesiam et monasterium sancti Petri causa defensionis eiusdem exstiterunt et qui viriles et animosas defensionis resistencias contra impetum Turcorum contra eos insistentes opposuerunt, praedictam turrim ascenderunt, res et defendicula quae in eadem invenerunt supra praefatam ecclesiam deferentes, ut si secundario insultus contra eos fieri contingeret, ut se melius et tutius cum istis defendiculis tueri valerent. Praedictis autem viris a castro redeuntibus, res et bona a sociis qui supra ecclesiam ut praefertur fuerunt petentibus, omnia defendicula et res ipsorum eis amicabiliter fuerunt restituta, praeterquam una tunica quam quidem Johannes Lapicida presbyter furtive et clandestine subtraxit et supra se deferebat. Dum autem discretus vir Jacobus Clugel corrigiator, socer latoris praesentium cuius tunica erat, a praefato Johanne tunicam pie petivit¹⁾ ut sibi restitueret eandem,²⁾ idem Johannes iniuriosis, opprobriosis³⁾ et contumeliosis verbis insultavit,⁴⁾ asserens, tunicam ipsius numquam fuisse et exempto gladio supra ecclesiam irruit in eundem. Cum vero ipse Jacobus iamfatus evidenti testimonio demonstrasset, tunicam ipsius existere, adhuc eandem sibi non restituit, sed nescimus quam occasionem nunc idem Johannes contra praefatum Jacobum et suos amicos videlicet Petrum Furman, Laurentium Carpentarium et Nicolaum praesentium ostensorem quaerit, eosdem citare, gravare et inquietare conatur contra iura. Pro eo omnibus iudicibus ad quorum praesentiam praesentia perveniunt et specialiter venerabili patri abbati de Clusmonostra studiose supplicamus, ut iustitiae et harum nostrarum precum intuitu praefatos velint et velit contra praedictum Johannem presbyterum sub eorum et suae defensionis tutela conservare, ne contra iura molestentur per praefatum Johannem aut aliqualiter impediantur, dictumque Johannem iure dictante et exigente stringendo, ut ipsi Jacobo cum suis praescriptis amicis aut ipsorum procuratori de expensis itineris plenam impendeat [S. 535] satisfactionem, et sibi auctoritate papali in hac parte qua ipse abbas fungitur silentium perpetuum imponendo, ne de suo enormi facto videatur comodum reportare. Pro quorum evidentia maiori praesentem literam nostrae civitatis sub sigillo dedimus roboratam. Datum in die sancti Galli, anno domini millesimo CCCC^o XXXIIII^o.


1) Aus petivisset gebessert.^{^}
2) Hierauf contra quem durchgestrichen.^{^}
3) Vorlage: obbrobriosis.^{^}
4) Aus insultasset gebessert.^{^}