Urkunde Nr. 2202 aus Band IV

Seite im UB:

529-530 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2202

Talmesch 1434 Juli 26 Ladislaus, Woiwode von Siebenbürgen, befiehlt den Sachsen der zur Kokelburg gehörenden Ortschaften, den Weinzehnten an das Weissenburger Kapitel nach der alten Gepflogenheit zu entrichten.

Ladislaus de Chaak vaivoda Traussiluanus et comes de Zolnok dilectis nobis circumspectis viris universis gerebiis, senioribus, villicis ac aliis Saxonibus in oppido, villis et possessionibus ad castrum Kykwllwar vocatum spectantibus, commorantibus et residentibus, aliis etiam cuiusvis status hominibus vineas in promontriis dicti oppidi et villarum habentibus et tenentibus salutem cum dilectione. Accedens nostri in praesentiam honorabilis dominus Ladislaus Ziluasi canonicus capituli ecclesiae Transsiluanae in sua ac aliorum dominorum de eodem capitulo personis, exhibuit nobis quasdam literas serenissimi domini nostri imperatoris praeceptorie nobis loquentes, in quibus sua serenitas nobis et egregio Lorando vicevaivodae nostro mandat sub edicto firmissimo et praecipit tali modo, quod quamvis quondam Nicolaus de dicta Chaak olim similiter vaivoda, dominus et genitor noster, quodam tempore vindemiationis ex instigatione quorundam vobis commiserit et indulserit, ut decimas vinorum ex vineis vestris dictis dominis de capitulo provenientes non in locis foliatorum solveretis seu extradaretis, sed relinqueretis easdem in vineis vestris et notificaretis solummodo decimatori, mustum decimae in vestris vineis reliquisse, tamen ex quo praefati domini magnum damnum ac diminutionem in dictis eorum decimis per huiusmodi solutionem singulis annis pati videntur, ipsa imperatoria maiestas, nolens ipsos dominos in hac parte damnum pati, mandat, ut praefertur, nobis et committit, ut consuetudinibus vestris in administratione praefatarum decimarum vinorum vestrorum hactenus observatis prorsus et per omnia mutatis et abiectis universas decimas eorundem vinorum vestrorum dictis dominis provenientes ad loca foliatorum per eosdem dominos aut decimatores eorum in medio vestri erigendorum per vos apportari et extradari facere deberemus, arctius vos ad id compellendo. Quas quidem literas praefati domini nostri imperatoris cum praesentibus vobis in specie transmisimus. Quapropter eidem vestrae universitatis et vestrum cuilibet dilectioni firmiter committimus et mandamus, quatenus mox visis praesentibus, omnes pariter conveniendo, memoratis dicti domini nostri imperatoris et nostras literas revideri faciendo, continentias eorum claro intellectu colligere amplius- [S. 530] que et deinceps vos ad id conservare debeatis, ut praescriptas decimas vestras¹⁾ ex vineis promontoriorum praescriptorum provenientes ad loca foliatorum deferre easdemque annotatis dominis aut decimatoribus eorum inibi extradare et exsolvere valeatis. Aliud in praemissis facere non ausuri. Praesentes etiam post lecturam reddendae praesentanti. Datum in Tholmach, in festo beatae Annae matris Mariae, anno domini millesimo quadringentesimo tricesimo quarto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 530 (dortige 2-7 zu nachfolgender Urkunde).^{^}

1) Über der Zeile nachgetragen.^{^}