Urkunde Nr. 2201 aus Band IV

Seite im UB:

528

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 105.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2201

Talmesch 1434 Juli 23 Ladislaus, Woiwode von Siebenbürgen, befiehlt dem Vizewoiwoden Roland Lepes, von den Grundhörigen in Вulkesch und Seiden, die zur Hermannstädter Pfarrkirche gehören, keine Abgaben zu erheben.

Ladislaus de Chaak vaivoda Transsiluanensis et comes de Zolnok sincere nobis dilecto fratri egregio Lorando vicevaivodae nostro Transsiluanensi et comiti de Kykellew ipsiusque vicecomitibus et iudicibus nobilium de eadem salutem cum dilectione. Datur nobis intelligi, quomodo nobiles comitatus praedicti et vos Saxones populosque et iobagiones ecclesiae beatae Mariae virginis de Cybinio in medietate possessionum Bolkach et Sythwe vocatarum residentes et commorantes alias etiam dictae ecclesiae iobagiones ad easdem pertinentes ad solutionem et contributionem pecuniarum de medio ipsorum nobilium ambasiatoribus et nuntiis, post imperialem maiestatem electis et deputatis exigendarum et assignandarum astringere et compellere vellent atque velletis. Tamen ex quo medietas possessionum populique et iobagiones in eisdem residentes ad praedictam ecclesiam beatae Mariae virginis de dicta Cybinio ex gratiosa ipsius domini imperatoris collatione et indulto est annexa et appropriata igitur de omni solutione et contributione in medio dictorum nobilium qualitercumque limitanda¹⁾ prorsus et per omnia eadem possessiones et populi ecclesiae praeallegatae sunt exemptae et sequestratae fore perhibentur. Quapropter dilectionibus vestris firmiter committimus et mandamus, quatenus memoratos iobagiones ecclesiae praescriptae in medietate praenotatarum possessionum residentes ad solutionem huiusmodi pecuniarum versus imperialem maiestatem, е medio ipsorum nobilium ut praefertur exigentium tam de praesenti et nullo usquam tempore astringere et nec compellere debeatis nec sitis ausi modo aliquali. Praesentes etiam post lecturam semper reddendae praesentanti. Datum in castro Tholmach, sequenti die festi beatae Mariae Magdalenae, anno domini millesimo CCCC^o tricesimo quarto. [S. 529]


1) Vorlage: limitande.^{^}