Urkunde Nr. 2192 aus Band IV

Seite im UB:

518-519 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 153.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2192

Basel 1434 April 8 König Sigmund beauftragt den Erzbischof Georg von Gran, den vom Basler Konzil zur Bekämpfung der Hussiten ausgeschriebenen Zwanzigsten und Fünfzigsten in ganz Ungarn, Slawonien und Siebenbürgen einheben zu lassen.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex fideli nostro reverendissimo in Christo patri domino Georgio archiepiscopo Strigoniensi, devoto nobis, grate et sincere¹⁾ dilecto salutem et gratiam. Quia sacrum Basiliense concilium ad exstirpationem et destructionem haereticorum hussitarum de praedicto regno nostro Bohemiae specialiter intendens inter ceteras providas ordinationes pro huiusmodi salubri negotio feliciter exequendo statuit et conclusit, ut per totam christianitatem semidecimae, id est vigesima pars decimarum omniumque aliorum ceterorum proventuum annualium ab omni clero cuiusvis ordinis et libertatis existant, tam exempto, a statu vero saeculari quorumlibet principum, regnorum et dominorum quinquagesimam cum certis additionibus simplicium personarum exigatur ad congregandas et stipendiandas gentes armatas et ad alia opportuna remedia destruendi, eliminandi et exstirpandi haereticos memoratos, nosque advertentes et oculis nostris visibiliter conspicientes oratores, ambasiatores et legatos omni um principum et regnorum fere totius christianitatis in ipso sacro concilio constitutos praetactam ipsius sacri concilii ordinationem nominibus principum et regnorum a quibus missi sunt affectuosis voluntatibus acceptasse, considerantes nihilominus ipsam nostram Hungariam vicinius graviusque insultibus ipsorum haereticorum perturbari et lacerari quam alia regna remotiora quae ad eorum haereticorum de- [S. 519] structionem et eliminationem anhelando¹⁾ praedictam impositionem et ordinationem nedum acceptare, verum magis fieri procurare cupierunt, una cum fidelibus consiliariis nobiscum hic existentibus mature superinde²⁾ deliberantes decrevimus, eandem dispositionem nostro et regni nostri Hungariae et aliorum nominibus rationabiliter acceptandam nec aliqua causa honesta refutari debendam. Cum in hoc negotio praesertim ipsius regni nostri Hungariae, cuius non modica pars per insultus dictorum haereticorum iam devastata est et in locis non mediocribus hostiliter occupata, in hac parte specialiter defensionis causa tractari videatur, idcirco fidelitati tuae cum nostrae maiestatis plena auctoritate firmissimo committimus sub edicto, quatenus visis praesentibus, dilationibus et subterfugiis quibusvis remotis praetactas semidecimas id est vigesimam partem omnium ceterorum proventuum annualium ab omnibus personis et viris ecclesiasticis, archiepiscopalibus, episcopalibus, abbatialibus, praepositalibus, capitularibus, conventualibus et aliis cuiusvis dignitatis, ordinis et status existant, videlicet tam exemptis quam non exemptis, secundum continentiam avisamentorum et declarationum ipsius sacri concilii per reverendissimum in Christo patrem, dominum Clementem episcopum Jauriensem nunc per nostram maiestatem pro his et aliis nostris et regni nostri negotiis hinc ad ipsum regnum nostrum Hungariae destinatum ac magnificum Laurentium de Hedrewar, magistrum agazonum nostrorum, consiliarios nostros fideles, tibi demonstrandorum ubivis in regnis nostris Hungariae et Sclavoniae, etiam in partibus Transsiluaniae per tuos fideles et idoneos deputatos cum adiutorio et consilio episcoporum dioecesanorum et in episcopatibus vacantibus capitulorum cathedralium imponi, dicari et exigi facias; talem omnino et tantam diligentiam et solicitudinem adhibendo in praemissis, ut ex collectione pecuniae de praetactis semidecimis seu vigesima parte proventuum per tuam fidelitatem impositis, collectis et congregatis ac apud manus tuas repertis expeditionem debitam in aestate praesenti debito tempore adversus dictos³⁾ haereticos parare et levare valeamus, providendo insuper iuxta ipsius sacri concilii statuta, ne tui deputati aut praedictas collectiones minuant et dissipent, aut clerum gravent superfluis victualibus et expensis. Datum Basiliae, feria quinta proxima post festum Ambrosii episcopi, anno domini M^o CCCC^o XXXIIII^o, regnorum nostrorum anno Hungariae et cetera XLVIII^o Romanorum XXIIII^o, Bohemiae XIIII^o, imperii vero secundo.⁴⁾ [S. 520]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 518, 1-4 auf S. 519.^{^}
[S. 518]
1) Vorlage: sincero.^{^}
[S. 519]
1) h am Beginn des Wortes durchgestrichen.^{^}
2) Hierauf deliberacom [Abkürzungsstrich über co].^{^}
3) Hierauf haeretibus durchgestrichen. ^{^}
4) Gebessert aus: primo.^{^}