Urkunde Nr. 2172 aus Band IV

Seite im UB:

497-498

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 115.

Druckvorlage:

nach Original

Abdruck als:

Volltext

Sprache:

Latein

---

2172

Ofen 1433 April 8 König Sigmund verbietet Stephan von Rozgony, dem Comes von Temesch. die Kaufleute der Sieben Stühle zur Fahrt über Morzsina zu zwingen und von ihnen hier Zölle einzuheben.

Von der Kanzlei: De commissione baronum.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris magnifico Stephano de Rozgon, comiti nostro Temesiensi vel vicecomiti eiusdem comitatus nec non officiali et tributario suis in oppido seu possessione Mursyna vocata constitutis salutem et gratiam. In personis fidelium nostrorum providorum iudicis ac civium et hospitum civitatis nostrae Cibiniensis nec non universorum Saxonum septem sedium Saxonicalium partis nostrae Transsiluanae nobis ac praelatis et baronibus nostris exponitur gravi cum querela, quod licet universi mercatores ipsarum septem sedium Saxonicalium resque mercimoniales et quaevis eorum bona per divos reges Hungariae nostros utputa praedecessores felicium recordiorum vigore certarum literarum ipsorum ab omni [S. 498] tributaria solutione gratiose exempti sint et emancipati nullibique intra ambitum huius regni nostri Hungariae tributum aliquod ab eis ac ipsorum rebus exigatur, tamen vos talis modi eorum libertatibus minime attentis immo pro nihilo reputatis, ipsos nostros Saxones seu quospiam ex ipsis praesertim vero praefatos cives et hospites nostros Cibinienses de eorum solitis ac veris et iustis ab antiquoque usitatis viis de ipsis partibus nostris Transsiluanis per oppidum Zaad versus Lippam et de ipsa Lippa ad dictas partes nostras Transsiluanas tendentibus progredientes nonnunquam, immo saepe saepius eis contraria et abusiva novitate adinventa ad praefatum oppidum Mursyna diverti et regredi compulissetis compelleretisque incessanter et cogere niteremini in futurum tributum ab ipsis et ipsorum rebus exigentes seu exigi facientes indebite et minus iuste in ipsorum praeiudicium et dampnum libertatisque eorum contrarium et vitipendium valde magnum. Supplicatum itaque exstitit [ab] ipsis universis Saxonibus nostris praedictarum septem sedium, per nos certa haec de remedio provideri opportuno. Unde nos praedictos Saxones nostros praemissis eorum libertatibus illibate gaudere volentes et potiri, fidelitati vestrae firmiter praecipiendo mandamus, quatenus visis praesentibus et rebus praemisso modo stantibus a modo in antea et deinceps quoslibet Saxones et mercatores praedictarum septem sedium Saxonicalium in praedictis eorum veris ut dicitur et iustis viis cum eorum rebus et bonis procedentes de eisdem ad praefatum oppidum Mursyna causa solvendi tributum diverti ac regredi et intrare compellere ad solvendumque inibi aliquod tributum astringere non praesumatis neque sitis ausi modo qualicumque sed sinatis ipsos in praetactis ipsorum veris viis, tam in eundo quam redeundo cum cunctis eorum mercimoniis rebus atque bonis quibuslibet semper [libere] et absque impedimento ac dampno aliquali ire proficiscique et transire. Secus non facientes in praemissis. Praesentibus perlectis exhibenti iugiter restitutis. Datum Budae feria quarta proxima post dominicam Ramispalmarum, anno domini millesimo quadringentesimo tricesimo tertio, regnorum nostrorum anno Hungariae et cetera quadragesimo septimo, Romanorum vigesimo tertio et Bohemiae tredecimo.

Von der Kanzlei: Lecta.

Auf der Rückseite von einer Hand des 15. Jahrhunderts: Contra tributum Morsyne et Zaad.