Urkunde Nr. 2171 aus Band IV

Seite im UB:

496-497

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2171

Ofen 1433 April 6 König Sigmund befiehlt dem Rat von Hermannstadt, für die Hermannstädter Münzkammer einen geeigneten Münzprobierer zu bestellen.

Von der Kanzlei: De commissione baronum.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris magistro civium, iudicibus et iuratis civibus civitatis nostrae Cibiniensis partium Transsiluanarum salutem et gratiam. Quia fidelis noster Zuborius de Fewldwar supremus probator monetarum nostrarum auri et argenti in regno nostro Hungariae praedicto per nos constitutus in exercitio huiusmodi officii sui ubilibet locorum cusionis monetarum nostrarum auri et argenti nequit personaliter interesse, ob hoc nolentes, ut camera nostra Cibiniensis in facto monetarum nostrarum [S. 497] praedictarum propter ipsius Zuborii absentiam sit neglecta aut dampnum patiatur aliquale, mandamus eidem vestrae fidelitati firmissime regio sub edicto, quatenus receptis praesentibus unum idoneum fidelem et ad id expertum virum de vestri medio potiorem loco illius viceprobatoris, qui nuper ex hoc medio foret sublatus, modis omnibus absque omni recusa et renitentia aliquali eligere debeatis, qui praemissum officium loco et in persona praefati Zuborii suppleat et exerceat fideliter et diligenter, cui salarium suum debitum sibi ratione huiusmodi laboris sui proveniens de proventibus eidem Zuborio debentibus per comitem seu vicecomitem camarae monetarum nostrarum iam dictarum persolvi et assignari more hactenus observato volumus et mandamus. Secus in praemissis nullo modo facere praesumentes, ne per vestram negligentiam facta nostra regalia quovismodo videantur impediri. Datum Budae feria secunda proxima post dominicam Ramispalmarum, anno domini millesimo quadringentesimo tricesimo tertio, regnorum nostrorum anno Hungariae et cetera XL^mo septimo, Romanorum vigesimo terlio et Bohemiae tredecimo.¹⁾


1) Mit dunklerer Tinte nachgetragen.^{^}