Urkunde Nr. 2167 aus Band IV

Seite im UB:

490-491

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 65.

Druckvorlage:

nach Original

Abdruck als:

Volltext

Sprache:

Latein

---

2167

Siena 1432 Dezember 14 König Sigmund befiehlt dem Seklergrafen Michael, den Bewohnern des Repser Stuhles den von seinem Kriegsvolk zugefügten Schaden zu ersetzen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fideli nostro magnifico Michaeli Jakch de Cussal, comiti Siculorum nostrorum salutem et gratiam. Venientes in conspectum nostrae maiestatis fideles nostri providi magister Johannes alias notarius ac alter Johannes Lukitel, iurati cives nostrae civitatis Cibiniensis necnon Jacobus de Senk in eorum ac universorum civium et hospitum ac Saxonum nostrorum dictae civitatis nostrae Cibiniensis et septem sedium Saxonicalium partium nostrarum Transsiluanarum in personis nostrae maiestati gravissimam porrigentes querelam conquesti sunt eo modo, quomodo tu anno proxime praeterito, dum unacum tuis gentibus exercitualibus exercituantium more versus partes Brassouiae potentiae quorundam inimicorum nostrorum eo tunc illas partes invadere machinantium resistendo accedere et proficisci voluisses, tunc ad sedem Kozd veniendo hominibus eiusdem damna ad septem milia florenorum camarae se extendentia cum dictis tuis gentibus exercitualibus intulisses et irrogasses, inferreque et irrogare fecisses potentia tua mediante in ipsorum praeiudicium et damnum valde grande. Et quia nos praefatos homines dictae sedis Kozd per neminem minus iuste et indebite volumus quoquomodo damnificari, igitur fidelitati tuae firmissime praecipimus et aliud habere nolentes mandamus, quatenus receptis praesentibus, omni in hac parte subterfugio relegato, praetactis nostris Saxonibus dictae sedis Kozd super omnibus praemissis damnis per te et tuos ut praefertur illatis et irrogatis plenam et omnimodam satisfactionem impendere et exhibere ipsosque superinde plenarie contentare debeas. Alioquin serie aliarum [S. 491] literarum nostrarum fidelibus nostris reverendis in Christo patribus dominis Georgio archiepiscopo Strigoniensi et Petro episcopo Agriensi necnon magnificis Nicolao de Gara regni nostri Hungariae praedicti palatino, comiti Mathyus de Paloucz iudici curiae nostrae, Henrico magistro tavernicorum, Johanni de Rozgon thesaurario nostrae maiestatis, et Paulo Bisseno alias regni nostri Sclauoniae bano, vicariis nostris generalibus districte praecipientes commisimus, ut ipsi tam super praemissis quam aliis quibuscumque querimoniis per dictos nostros Saxones contra te et tuos eis porrigendis iuxta eorundem Saxonum nostrorum legitimas comprobationes eisdem ex tui et tuorum familiarium parte iudicium et iustitiam ac omnimodae et indilatae satisfactionis complementum iure exposcente impendere et exhibere debeant et teneantur. Secus ergo in praemissis non facturis. Praesentibus perlectis exhibenti restitutis. Datum in nostra imperiali civitate Senarum, die dominico proximo ante festum beati Thomae apostoli, anno domini M^o CCCC^o XXXII^o, regnorum nostrorum anno Hungariae et cetera XLVI^to, Romanorum XXIII^o et Bohemiae XIII^o.

Unter dem Siegel: Kanzleibemerkung.