Urkunde Nr. 2166 aus Band IV

Seite im UB:

488-490

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 64.

Druckvorlage:

nach Original

Abdruck als:

Volltext

Sprache:

Latein

---

2166

Siena 1432 Dezember 13 König Sigmund beauftragt die von ihm bestellten Reichsverweser, die Sachsen der Sieben Stühle gegen die Gewalttaten des siebenbürgischen Woiwoden Ladislaus und seiner Leute in Schutz zu nehmen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris dilectis reverendis in christo patribus dominis Georgio archiepiscopo Strigoniensi et Petro episcopo Agriensi necnon magnificis Nicolao de Gara dicti regni nostri Hungariae palatino, comiti Mathyus de Palocz iudici curiae nostrae, Petro filio Herrici de Berzewycze magistro tavernicorum, Johanni de Rozgon summo thesaurario nostrae maiestatis Paulo Bisseno de Czdege alias regni nostri Sclavoniae bano, vicariis nostris generalibus, per nos in hac nostra absentia in dicto regno nostro Hungariae constitutis salutem et gratiam. Venientes nostrae maiesta- [S. 489] tis in conspectum fideles nostri providi magister Johannes alias notarius ac alter Johannes Lakitel iurati cives nostrae civitatis Cibiniensis nec non Jacobus de Senk, nuncii scilicet universitatis civium et hospitum ac Saxonum nostrorum dictae civitatis nostrae Cibiniensis et septem sedium Saxonicalium partium nostrarum Transsiluanarum ad nostram missi maiestatem, nobis in suis ac dictae universitatis civium et Saxonum nostrorum praedictorum nominibus et personis exposuerunt et declararunt gravissima sub querela, quomodo magnificus Ladislaus de Chaak vaivoda dictarum partium nostrarum Transsiluanarum et nonnulli familiares eiusdem plurimas, diversas et multiplices vexationes, iniurias, molestias, oppressiones damnaque et impedimenta ac nocumentorum genera ipsis et nonnullis eorum plerisque vicibus minus iuste, violenter et indebite intulissent et irrogassent fecissentque irrogari ac inferre et irrogare ipsos etiam aggravare¹⁾ et damnificare non cessarent, in ipsorum praeiudicium damnumque et gravamen multum grande. Ex quibus quidem impedimentis, damnis et iniuriis aliqua, quae per eosdem nuntios civium et Saxonum nobis relata fuere et in scriptis oblata similiter in scriptis et in registro, sigillo nostro consignato cum praesentibus vobis duximus dirigenda. Quapropter nos volentes per vos ex parte memoratorum Ladislai vaivodae et familiarium suorum annotatis exponentibus super praemissis iustitiam ministrari, fidelitati vestrae firmo nostro regio damus sub praecepto, quatenus praesentibus et dicto registro cum his vobis afferendo et praesentando receptis visisque et intellectis, praefatum Ladislaum vaivodam ad unum certum terminum per vos ad hoc praefigendum, vestri in praesentiam vocari et accersiri facientes et sibi dictos familiares suos in praemissis culpabiles secum illac adducere committentes, ubi et in quo termino etiam antefati cives et Saxones nostri per certos ex eis seu procuratores ipsorum coram vobis debebunt comparere, auditis de novo et perceptis tam praenotatorum ipsorum Saxonum nostrorum in praetacto registro vobis destinato contentis, quam etiam aliis quibuscumque eorundem querimoniis et propositionibus documentisque et comprobationibus legitimis per eosdem contra dictum vaivodam ac suos familiares vestri in praesentia faciendis necnon et praetactarum partium adversarum responsionibus et²⁾ allegationibus ex parte ipsius Ladislai vaivodae cunctorumque suorum familiarium, contra quos iidem cives et Saxones nostri querulantur, iuxta ipsorum documenta et comprobationes, eisdem super praemissis omnibus et singulis iniuriis, molestationibus, damnis et nocumentis per iam fatum vaivodam et suos familiares saepedictis civibus et Saxonibus nostris minus licite illatis et irrogatis meri iuris et iustitiae ac debitae satisfactionis complementum taliter et adeo impendere et exhibere de- [S. 490] beatis nostrae maiestatis in persona, ut de cetero superinde non sit opus dictis civibus et Saxonibus nostris nostrae querulari maiestati. Secus non facturi. Praesentibus perlectis exhibenti restitutis. Datum Senis partium Italiae, in festo beatae Luciae virginis et martyris, anno domini M^o CCCC^o XXX secundo, regnorum nostrorum anno Hungariae et cetera XLVI^to, Romanorum XXIII^o et Bohemiae XIII^o.

Unter dem Siegel: Commissio propria domini regis.


1) Vorlage: agruare.^{^}
2) Über der Zeile nachgetragen. ^{^}