Urkunde Nr. 2113 aus Band IV

Seite im UB:

434-435

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 371 fol. 12 recto.

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

2113

Rom bei St. Peter 1431 März 11 Papst Eugen IV. erteilt dem Kardinallegaten Julian den Auftrag, die Befreiung der Geistlichen in der siebenbürgischen Diözese von der durch König Sigmund ausgeschriebenen Türkensteuer zu widerrufen.

Eugenius episcopus et cetera dilecto filio Juliano sancti Angeli diacono cardinali apostolicae sedis legato salutem et cetera. Rationi congruit et convenit honestati ut ea, quae de Romani pontificis providentia processerunt, licet eius superveniente obitu literae apostolicae super illis confectae non fuerint, suum consequantur effectum. Sane dudum felicis recordationis Martino papae quinto praedeccessori nostro pro parte carissimi in Christo filii nostri Sigismundi Romanorum regis illustris exposito, quod licet ex laudabili regni Ungariae et antiqua consuetudine observatum fuisset, quod praelati et clerus dicti regni pro sustentatione et manutentione exercitus contra Turcos et alios infideles, quem praefatus rex suorum praedecessorum regum Ungariae vestigiis inhaerendo pluribus praeteritis annis non sine gravibus expensarum oneribus ac personali labore pro fide catholica in praefato regno tuenda tenuerat ac sustinuerat prout tenebat et suslinebat, tunc tertiam partem de fructibus, reditibus et proventibus ecclesiasticis in praefatum usum per eundem regem conversam et in futurum si necessitas id exposceret convertendam contribuere consuevissent, tamen nonnullae personae ecclesiasticae in diocesi Transsilvanensi commorantes, asserentes se ab huiusmodi contributione per literas dicti praedecessoris fore exemptas, partem fructuum, redituum et proventuum eas ratione be- [S. 435] neficiorum suorum ecclesiasticorum in dicta diocesi consistentium contingentem contribuere et persolvere recusabant, ac pro parte dicti regis asserentis civitatem et diocesim Transsilvanensem pluribus aliis civitatibus et diocesibus praefati regni terris Turcorum praedictorum propter situm esse viciniores et propterea protectione etiam frequentiori quam aliae ipsius regni civitates et terrae indigere noscerentur, praefato praedecessori supplicato ut literas apostolicas revocare necnon personas praedictas ad contributionem huiusmodi compellere et alias in praemissis salubriter providere de benignitate apostolica dignaretur, idem praedecessor voluit et concessit videlicet Idibus Februarii pontificatus sui anno quartodecimo¹⁾ tibi dari in mandatis ut vocatis qui forent evocandi literas praedictas tibi exhiberi et ostendi faceres et de ipsarum continentia ac de praemissis omnibus et singulis eorumque circumstantiis universis auctoritate sua te diligenter informares et si per informationem huiusmodi expediens et utile esse reperires, quod literae praefatae cassari deberent et annullari, literas ipsas eadem auctoritate revocares, cassares, irritares et annullares et nihilominus, si revocationem, cassationem, irritationem et annullationem huiusmodi per te fieri contingeret, praefatas personas cuiuscumque status, gradus ac dignitatis existerent ad contributionem huiusmodi praestandam, si alias ad hoc tenentur, per censuram ecclesiasticam et alia iuris remedia compelleres, non obstantibus literis praedictis ac constitutionibus et ordinationibus apostolicis necnon statutis consuetudinibus ecclesiarum in quibus beneficia huiusmodi forsam forent iuramento, confirmatione apostolica vel quacumque firmitate alia roboratis ceterisque contrariis quibuscumque. Ne autem pro eo quod super dictis voluntate et concessione dicti praedecessoris nostri eius superveniente obitu literae apostolicae confectae non fuerunt praefatus rex voluntatis et concessionis huiusmodi frustretur effectu, volentes et apostolica auctoritate decernentes, quod huiusmodi voluntas et concessio eiusdem praedecessoris ab eadem data, videlicet Idibus Februarii, perinde suum sortiantur effectum ac si eiusdem praedecessoris literae sub ipsius diei data confectae fuissent prout superius enarratur quodque praesentes literae ad probandum plene voluntatem et concessionem easdem ubique sufficiant nec ad id probationis alterius adminiculum requiratur, circumspectioni tuae per apostolica scripta mandamus, quatenus ad executionem dictarum voluntatis et concessionis in omnibus perinde procedas ac si eiusdem praedecessoris literae super illis confectae et tibi praesentatae fuissent contradictores per censuram ecclesiasticam appellatione postposita compescendo, non obstantibus praemissis ceterisque contrariis quibuscumque. Datum Romae apud sanctum Petrum, anno incarnationis domini millesimo quadringentesimo tricesimo primo, quinto Idus Martii, pontificatus nostri anno primo. [S. 436]


1) 1431 Februar 13.^{^}