Urkunde Nr. 2099 aus Band IV

Seite im UB:

413-414 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 58.

Druckvorlage:

nach Original

Abdruck als:

Volltext

Sprache:

Latein

---

2099

Hermannstadt 1430 Oktober 31 Abt Michael und der Konvent des Klosters Kerz verkaufen eine Hofstelle in Hermannstadt an den Bürger Petrus Czop gegen eine jährliche Abgabe von vierzig Pfund Leinöl.

Nos¹⁾ Michael abbas et conventus monasterii gloriosissimae virginis Mariae in Kercz, ordinis Cysterciensis, iurisdictionis Strigoniensis in partibus Transsiluanis in terra videlicet Fugrasch fundati et constructi universis et singulis praesentes nostras literas inspecturis, lecturis pariter et audituris salutem in omnium salvatore et orationes in domino devotas. Praesentium et futurorum ratio decrevit, ut de multis devastatis si fas est, aliquid reformetur. Tamen nunc tempore ex ermissione divina conventus nostri ordinis praenominatus per furiosam rabiem putridorum membrorum scilicet schismaticorum et Olachorum novercantium et praedictum monasterium in Kercz ignis voragine ac spoliis, devastationibus multiplicibus atque indicibilibus in detrimentum et vilipendium dei omnipotentis ac suae genitricis virginis Mariae fuit et est quemadmodum quasi per totum annihilatum, quod non sine sumptibus et maximis expensis poposcit reformationem et relevamen. Quod tamen minime fieri videbalur, nisi matura deliberatione praehabita atque consilio bene ruminato et digesto, cum consensu nostrorum superiorum spiritualium videlicet et saecularium, venerabilis palris abbatis de Egres, visitatoris nostri legitimi et immediati, tum etiam ceterorum nostrorum protectorum videlicet iudicum, magistri civium et iuratorum consulum civitatis Cybiniensis. Unde cum quibus nostris superioribus iam nominatis pensantes et considerantes, non talem fieri posse reformationem, nisi modo infrascripto, ut illa particula terrae, quae in civitate Cybiniensi praedicta est situata ad nostrum praedictum monasterium pertinens, in qua certa curia cum suis aedificiis posset aedificari, prope domos et in vicinatu Lewte Lorenczii et Schewb Wagner contigue adiacens in acie et in platea Sporergasse nuncupata, de qua certa particula terrae a multis retroactis temporibus et annis et extra hominum memoriam modo viventium proventus et fructus nostro monasterio praetacto in Kercz minime proveniebant et provenerunt, eiusmodi devastationis ob causam vendi deberet et in usus [S. 414] pios ac necessarios ipsius monasterii exponi, et unde lampades aeternae salutis in eodem valerent ardere, praenominatum terrae spatium seu curiam sic desolatam, desertam et omni mode dilapidatam cum omnibus suis antiquis iuribus, pertinentiis latitudinis et longitudinis, per omnia ab antiquo, ut praefertur habitis et consuetis, provido viro Petro Czop carnifici, concivi annotatae civitatis Cybiniensis rite et legitime vendidimus et assignavimus ac suis heredibus universis in filios filiorum libere perpetue tenendam et habendam immo vendimus, appropriamus, damus et assignamus per praesentes ipsi Petri Czop et universis suis legitimis heredibus et successoribus pacifice et quiete possidendam, tenendam pariter et habendam, immo etiam ad vendendum et arendandum cuicumque, quandocumque et quotienscumque totiens quotiens voluerit, expedierit, voluerint et vellent, queant atque possint, isto tamen expressato, ut idem Petrus Czop ac eiusdem terrae seu fundi futuri possessores singulis annis sine aliqua interruptione nobis aut nostro conventui praedicto et nostris legitimis successoribus quadraginta libras olei vulgo pfunt ex semine lini boni praeparati ad nostra propria vasa et nostro homini per nos ad hoc directo et deputato¹⁾ in civitate Cybiniensi praetacta debito tempore, videlicet circa dominicam Esto mihi vel Invocavit, ante vel post, dare et assignare debeant et teneantur futuris perpetuis temporibus. Quod si praelabitus Petrus Czop eiusve successores eiusdem curiae seu terrae inhabitatores in parte vel in toto praesentem olei solutionem surda aure, quod absit, pertransirent aut vero non debitam ut praefertur facerent solutionem, ex tunc venerabiles domini, decanus Cybiniensis et plebanus in civitate Cybiniensi pro tempore constituti eundem Petrum Czop aut ipsius terrae inhabitatores sine omni strepitu iudicii praemissi olei solutionem compellere debeant, plenam et omnimodam habent et habeant per praesentes facultatem censura ecclesiastica mediante, praesentibus ibidem venerabili patre Georgio abbate de Egres, Johanne de Aula regia priore, Nicolao Gladiatore de Lwtschouia custode, Cristano de Enyed maiore ceterisque praetacti monasterii Kercz et conventus fratribus ac circumspectis viris Andrea Greb, comite Cybiniensi, Nicolao Pfeffersag magistro civium, Nicolao Koscha villico, magistro Johanne Goeldener notario ac pluribus iuratis civibus praetactae civitatis Cybiniensis, testibus ad praemissa vocatis.²⁾ In cuius rei testimonium praesentes nostras literas sigillis nostris abbatiali ac conventus nostri monasterii in Kercz appensione duximus communiri. Datum et actum in Cybinio praetacto, anno domini millesimo quadringentesimo tricesimo, in vigilia omnium sanctorum.

Auf der Rückseite von einer Hand des ausgehenden 15. Jahrhunderts: Literae Michaelis abbatis super venditionem domus hic Cibinii fundatae, quae olim ad illud monasterium legata fuit ratione sustentationis lampadarum. [S. 415]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 413, 1-2 auf S. 414.^{^}
[S. 414]
1) N in verzierter Ausführung.^{^}
[S. 414]
1) Vorlage: deputati.^{^}
2) Fehlt in der Vorlage.^{^}