Urkunde Nr. 2094 aus Band IV

Seite im UB:

403-404 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 38.

Druckvorlage:

nach Original

Abdruck als:

Volltext

Sprache:

Latein

---

2094

Gran 1430 Juni 7 Nikolaus, Vikar des Erzbischofs von Gran, verleiht dem Dekan des Burzenländer Kapitels für die Dauer eines Jahres verschiedene geistliche Vorrechte.

Nicolaus¹⁾ decretorum¹⁾ doctor,¹⁾ cantor et canonicus in ecclesia Strigoniensi necnon reverendissimi in Christo patris et domini domini Georgii, miseratione divina archiepiscopi ecclesiae Strigoniensis locique eiusdem comitis perpetui, primatis et apostolicae sedis legati nati, vicarius in spiritualibus et causarum auditor generalis dilecto nobis in Christo honorabili viro domino . . decano Brassouiensi, Strigoniensis diocesis salutem in domino sempiternam. Cum vos propter loci magnam distantiam ac viarum pericula sacris liquoribus videlicet chrismate et oleo sancto ecclesiasticis sacramentis vobis et ceteris christicolis in et sub dicto vestro decanatu degentibus necessariis hominesque utriusque sexus in et sub eodem decanatu vestro existentes pro debitis confessionibus et absolutionibus habendis in casibus episcopalibus huic sanctae sedi Strigoniensi a canone sive per synodales constitutiones specialiter reservatis ac ad ecclesiasticos ordines promoveri desiderantes pro recipiendis ipsis ordinibus, prout vestri ex parte nobis exponitur, ad dictam hanc sanctam sedem Strigoniensem accedere non possitis nec possint, a nobis humiliter postulastis, ut de et super praemissis vobis et vestris praedictis de remedio providere dignaremur opportuno. Et quia ad ea, quae salutem concernunt animarum favorabililer inclinari et intendere debemus vestrisque iustis in hac parte petitionibus benigne annuentes vobis pro praedictis sacramentis petendis et recipiendis ad quemcumque malueritis catholicum episcopum vobis proximiorem gratiam et communionem dictae sedis apostolicae habentem pium recursum habendi et ipsa sacramenta ab eodem recipiendi et ipsis receptis ceteris dicti vestri decanatus parochialium ecclesiarum plebanis eadem sacramenta distribuendi ac generaliter utriusque sexus homines sub antedicto vestro decanatu constitutos et existentes in casibus praefato domino nostro, domino Georgio archiepiscopo et huic sanctae sedi suae generaliter a canone vel per synodales constitutiones specialiter reservatis, per vos vel alios ad id specialiter deputatos absolvendi ac poenitentias salutares ipsis confitentibus pro modo culpae imponendi necnon quibuscumque in districtu praedicti vestri decanatus existentibus, cupientibus ad aliquos ecclesiasticos ordines promoveri, ut a quocumque catholico antistite, ut praefertur, dictae apostolicae [S. 404] sedis communionem et gratiam habentes, voluerint, dummodo ad id examinatione praehabita idonei reperti fuerint aliudque canonicum super his ipsis non obstet, super quibus vestram et ordinantis conscientias oneramus, ut ad omnes ecclesiasticos ordines etiam usque ad presbyteriatus ordinem inclusive possint ac valeant debitis et statutis a iure temporibus promoveri et ipsos ordines licite recipere, auctoritatem et licentiam ac dimissorias literas ipsis dando tenore praesentium auctoritate dicti¹⁾ nostri vicariatus officii duximus concedendum et concedimus per praesentes, secundum quod alias per hanc sanctam sedem Strigoniensem super praemissis vobis et praedictis vestris decanatui vestro subiectis concedi²⁾ consuevit, nisi ipsi casus adeo ita graves essent et enormes, super quibus dicta sedes merito fierit consulenda, ac debitis poenitentiis ipsis absolvendis iniungendis vestram et aliorum plebanorum in dicto vestro decanatu existentium, per vos pro audiendis confessionibus et absolutionibus impendendis deputandorum conscientias oneramus. In quorum omnium et singulorum fidem et testimonium praemissorum praesentes literas nostras nostri sigilli sub impressione consignatas vobis duximus concedendas usque ad sanctam synodum in ecclesia Strigoniensi supradicta in proximo celebraturam easdem decernentes solummodo valituras. Datum Strigonii in sancta synodo, quintodecimo die festi beati Adalberti martyris et pontificis, anno dominicae incarnationis millesimo quadringentesimo tricesimo, pontificatus sanctisimi in Christo patris et domini nostri domini Martini divina providentia papae quinti anno tredecimo.

Auf der Rückseite von gleichzeitiger Hand: Literae auctoritatis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 403, 1-2 auf S. 404.^{^}
[S. 403]
1) Verlängerte Schrift. [3x]^{^}
[S. 404]
1) Hierauf domi [Abkürzungsstrich über letztem m] durchgestrichen.^{^}
2) cedi gebessert aus dedi.^{^}