Urkunde Nr. 2091 aus Band IV

Seite im UB:

401-402 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2091

Tyrnau 1430 April 7 Der Palatin Nikolaus Gara bezeugt, dass Nikolaus, Andreas und Johann, die Söhne des Johann Gereb von Weingartskirchen. gegen den Verkauf des Kellinger Grävenamtes und des dazugehörigen Hauses und Hofes an die Gemeinde Kelling Einspruch erhoben haben.

Nos Nicolaus de Gara regni Hungariae palatinus memoriae commendamus per praesentes, quod venientes nostri in praesentiam Nicolaus, Andreas et Johannes filii olim Johannis Greb de Wyngarth per modum protestationis et prohibitionis nobis significare curarunt, quomodo praeallegatus Johannes pater ipsorum dum in humanis²⁾ egisset grebiatum, quem idem quondam pater eorum et per consequens ipsi in possessione regali Kelnek vocata partium Transsiluanarum, necnon [S. 402] domum et curiam ad dictum grebiatum spectantes et pertinentes in eadem possessione Kelnek exsistentes habuissent, villanis seu communitati incolarum ipsius possessionis Kelnek ipsis invitis et contradicentibus in perpetuum vendidisset in eorum iuris praeiudicium et derogamen valde ingens. Unde facta huiusmodi protestatione idem Nicolaus, Andreas et Johannes praelibatos villanos et totam communitatem incolarum dictae possessionis Kelnek ac alios quoslibet ab emptione praetacti grebiatus ipsorum ac domus et curiae praefatarum seque in dominium eiusdem grebiatus nec non domus et curiae iam fatarum intromissione et sibi ipsis¹⁾ quovismodo seu titulo appropriatione et perpetuatione quomodocumque ac qualitercumque factis vel fiendis prohibuerunt contradicendo et contradixerunt inhibendo publice et manifeste coram nobis praesentium testimonio mediante. Datum Tirnauiae feria sexta proxima ante dominicam Ramispalmarum, anno domini M^o CCCC^o XXX^o.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 401 (1 zu voranstehender Urkunde), 1 auf S. 402.^{^}
[S. 401]
2) Vorlage: homanis.^{^}
[S. 402]
1) Vorlage: sibipsis.^{^}