Urkunde Nr. 2087 aus Band IV

Seite im UB:

399-400 ^a)

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

2087

Tyrnau 1430 März 26 König Sigmund verfügt, dass die Bewohner von Lechnitz die den Szeklergrafen Johann und Michael verliehene Besitzung Ţigău/Szászczegő abkaufen sollen, um sie den Verwandten der von ihnen erschlagenen Adligen Gregor und Nikolaus von Czegő als Wergeld zu überlassen.

Von der Kanzlei: Relatio domini Georgii episcopi Transsiluani.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus per praesentes, quod quamquam nos, exigentibus praesignis obsequiorum meritis fidelium nostrorum magnificorum Johannis et Mychaelis Jakcz de Kussal comitum Siculorum nostrorum necnon egregiorum Ladislai ipsius Johannis et alterius Ladislai praefati Mychaelis comitum fratrum carnalium, quandam possessionem Zegew appellatam in comitatu de Doboka partium nostrarum Transsiluanarum existentem, quae olim Gregorii et Nicolai filiorum quondam Petri de eadem Zegew, alias per universos Saxones populosque et iobagiones nostros de Lekencze praefatarum partium nostrarum Transsiluanarum, interfectorum praefuisset,¹⁾ post huiusmodi interemptionem eorum Gregorii et Nicolai, utpote hominum absque heredum solatio uti fertur defunctorum, ad manus nostras regias, de huius regni nostri consuetudine in hac parte observari solita, redactam et devolutam, praenominatis comitibus Johanni et Mychaeli necnon utrique Ladislao fratribus eorundem comitum carnalibus ipsorumque heredibus et posteritatibus universis mediantibus aliis literis nostris donationalibus exinde confectis in perpetuum duxerimus conferendam nihilominusque annotatis Saxonibus et iobagionibus nostris super talismodi nece seu interemptione iam fatorum nobilium vigore aliarum literarum [S. 400] nostrarum gratiosarum superinde emanatarum, sub certis conditionibus, literis nostris in eisdem limpidius contentis et clare specificatis, gratiam et misericordiam fecerimus speciales, tamen nos id de plenitudine nostrae regiae potestatis et gratia speciali duximus annuendum, immo annuimus praesentium per vigorem, ut praefati Saxones et iobagiones nostri de Lekencze praenarratam possessionem Zegew cum universis suis utilitatibus et pertinentiis quibusvis a praefatis comitibus Johanne et Mychaele ac fratribus eorundem praenominatis, secundum quod cum eisdem concordare poterint, emendi et comparandi,¹⁾ ipsi etiam comites Johannes et Mychael ac fratres ipsorum praedicti praelibatis Saxonibus et iobagionibus nostris de praefata Lekencze eandem possessionem vendendi et perpetuandi, emptamque et comparatam²⁾ iidem Saxones et iobagiones nostri superstitibus praefatorum Gregorii et Nicolai nobilium de dicta Zegew, alias ut praeasseritur per ipsos interemptorum, quibus magis congruit pro homagio eorundem nobilium interfectorum in perpetuum dandi et assignandi, ipsi siquidem superstites praetitulatorum nobilium interfectorum pro se ab eisdem Saxonibus et iobagionibus nostris recipiendi et in perpetuas eorum hereditates reservandi et in perpetuum tenendi et possidendi plenam, liberam et omnimodam habeant potestatis facultatem, salvis iuribus alienis, praesentium patrocinio mediante. Datum Tirnauiae in dominica Laetare, anno domini millesimo quadringentesimo tricesimo, regnorum nostrorum anno Hungariae et cetera XLIII^o, Romanorum vigesimo et Bohemiae decimo.

Unter dem Siegel: Relatio domini Georgii episcopi Transsiluani.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 399, 1-2 auf S. 400.^{^}
[S. 399]
1) Vorlage: prefuisse mit übergeschriebenem c.^{^}
[S. 400]
1) Vorlage: comperandi.^{^}
2) Vorlage: comperatam.^{^}