Urkunde Nr. 2079 aus Band IV

Seite im UB:

393-394 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal] (Inventar 80-125), B 1-5 (Inventar 82) Nr. 60, Vol. VIII, pag. 241.

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

2079

Stolzenburg 1429 Dezember 3 Der öffentliche Notar Urbanus Petri von Steinau bezeugt, dass die Patrone der Pfarrkirche in Stolzenburg das zwischen dem Salzburger Pfarrer Caspar und dem Stolzenburger Pfarrer Michael geschlossene Übereinkommen, die Zehnten von Stinkinbron und Runkemolde betreffend, für ungiltig erklärt haben.

In nomine domini amen. Per hoc praesens instrumentum publicum cunctis innotescat, quod anno nativitatis eiusdem millesimo quadringentesimo vicesimo nono, indictione octava, die tertio mensis Decembris, pontificatus sanctissimi in Christo patris et domini nostri domini Martini divina providentia papae quinti, anno suo tridecimo hora nonarum vel quasi in stuba parva habitationis parochii¹⁾ ecclesiae sancti Bartholomei apostoli in Stolczmburg discreti viri Michael Hökerling, Clos Budendorfer, Kristchin Gäbil et Michil Locke parochiani iurati et patroni ecclesiae praedictae sancti Bartholomei apostoli ibidem in Stolczmburg convenientes, quibus congregatis in loco praedicto debita cum instantia requirendo rogavit idem dominus Michael plebanus praenominatus loci praedicti eosdem, quatenus ad maiorem cautelam et sui iuris observationem talem processum compromissionis suae tuitionis²⁾ eiusdem Stinkinbron et Runkemmolde territorii de eadem Stolczmburg in mei notarii publici infrascripti testiumque infrascriptorum praesentia ad conscientiam ipsorum et fidem deo debitam recognoscendo profiterentur. Qui quidem parochiani et patroni ecclesiae praedictae Stolczmberg necnon iurati cives communitatis praemissae eo modo quo praedicitur congregati in parva stuba domus dotis,³⁾ non vacillantes in iure vel facto, non compulsi, non subornati, non decepti nec per vim neque errorem inducti sed sine dolo et fraude sponte coram me notario publico infrascripto⁴⁾ testiumque infrascriptorum una voce et consono sermone publice recognoverunt, quod quaedam compromissio et concordia inter dominum Caspar plebanum de Salisfodio et inter dominum Michaelem praefatum plebanum in praenominata Stolczmburg ex parte territorii praedicti Stinkinbron et Runkenmolde libero⁵⁾ arbitrio partium utrarumque iuxta decem marcarum argenti poenarum [S. 394] fuisset facta procul dubio a viris discretis et honestis, quod excessori non obmitterentur sed poenam iam dictam constitutam plenarie ab ipso excessore¹⁾ reciperetur. Quam quidem compromissionem et concordiam ex parte territorii supradicti inter partes factam ipsi parochiani et patroni praefati compromissionem non admittentes, sed immediate et sine intermissione aliqua ipsi integraliter publice sub tali forma verborum clamaverunt.²⁾ Domine Michael, plebane in Stolczmberg, bona vestra propria et possessa ad voluntatem vestram cui volueritis dare potestis, quia vestra sunt, sed firmiter bona ecclesiae sancti Bartholomei apostoli in Stolczmburg vos decet nobiscum amplificare et augere et non deminorare. Igitur nullo modo admittimus annihilare bona ecclesiae sanctae et hodie revocamus compromissionem vestram factam absque consensu nostro et totius communitatis et revocamus, quia³⁾ vestrum non est compromissionem facere neque aliquam concordiam iuxta poenas suas, quia ex iure patronatus nos illa habemus reclamare vel confirmare, et interim quod unus nostrum vel de filiis nostris unus in Stolczmburg vixerit et vitam habuerit talia numquam vos nec successores vestri plebani habent conferre nisi esset voluntas nostra et totius communitatis. Super quibus omnibus et singulis ipse praedictus dominus Michael plebanus in Stolczmburg a me notario publico infrascripto petivit unum vel plura publicum vel publica sibi perficere instrumenta. Praesentibus discretis et honestis viris domino Michaele capellano ibidem in Slolczmberg, domino Nicolao Ruffo de Cybinio et domino Servacio de insula Christiana capellanis ibidem Strigoniensis diocesis, testibus ad praemissa vocatis specialiter et rogatis.

Notarzeichen. Et ego Urbanus Petri de Stynauia clericus Wratisslauiensis diocesis, publicus auctoritatibus sacri apostolici et imperii notarius approbatus, quia praedictis declarationi, recognitioni, interrogationi, responsioni et fassioni aliisque omnibus et singulis praemissis dum sic coram me notario publico suprascripto una cum praenominatis testibus agerentur et fierent, praesens interfui et omnia et singula sic fieri vidi et audivi propria manu mea conscripsi et in hanc formam publicam redegi meisque signo et nomine solitis et consuetis roborando signavi rogatus et requisitus in fidem et testimonium omnium et singulorum praemissorum. [S. 395]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-5 auf S. 393, 1-3 auf S. 394.^{^}
[S. 393]
1) So Vorlage.^{^}
2) Vorlage: tucon.^{^}
3) Hierauf Vorlage: . . ^{^}
4) Vorlage: infrascripti.^{^}
5) Vorlage: liberi.^{^}
[S. 394]
1) Vorlage: excessori.^{^}
2) Vorlage: ... amaunt... ^{^}
3) Vorlage: qua.^{^}