Urkunde Nr. 2074 aus Band IV

Seite im UB:

383-384

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2074

Pressburg 1429 September 24 König Sigmund verleiht den Gemeinden Mettersdorf und Treppen die Besitzung Fatha und die Praedien Kyszegew, Czygendorff und Pecheffalwa.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis. quod nos tum attentis et consideratis fidelitatibus et fidelium servitiorum gratuitis meritis ac sinceris complacentiis fidelium nostrorum universorum Saxonum nostrorum in villis nostris Naghdemeter et Therpen vocatis partium nostrarum Transsiluanarum commoran- [S. 384] tium per ipsos maiestati nostrae locis debitis et temporibus opportunis iuxta nostrum beneplacitum eorumque facultatis exigentiam exhibitis et impensis, tum etenim pro utilitate commodo et augmento dictarum villarum nostrarum ipsorumque Saxonum nostrorum easdem inhabitantium usu quandam possessionem Fatha appellatam necnon praedia Kyszegew, Czygendorff et Pecheffalwa¹⁾ nominata in comitatu de Doboka dictarum partium nostrarum Transsiluanarum in propinquo et in vicinitatibus ipsarum villarum nostrarum adiacentia et situata, quae quondam Nicolai et Gregorii nobilium de eadem Fatha praefuerunt et per defectum seminis ipsorum ad manus nostras regias iuxta regni nostri consuetudinem devoluta²⁾ fore dinoscuntur, simul cum cunctis suis utilitatibus et pertinentiis quibuslibet, terris scilicet arabilibus, cultis et incultis, agris, pratis, silvis, nemoribus, montibus, vallibus, vineis et vinearum promontoriis, aquis, fluviis aquarumque decursibus et generaliter quarumlibet utilitatum integritatibus quovis nominis vocabulo vocitatis ad eandem possessionem Fatha et praedia praenotata de iure spectantibus et pertinere debentibus sub suis veris metis et antiquis limitibus, quibus eadem et ipsa per quoscumque rite tenta fuissent hactenus et possessa, ex certa nostra scientia et animo deliberato ad praefatas villas seu possessiones nostras Naghdemeter et Therpen annectenda³⁾ duximus et applicanda usuique praetactorum Saxonum nostrorum easdem inhabitantium deputanda ac eisdem Saxonibus nostris danda et conferenda, immo annectimus applicamus et deputamus damusque et conferimus iure perpetuo et irrevocabiliter per eosdem tenenda, possidenda pariter et habenda, salvo iure alieno, harum nostrarum vigore et testimonio literarum mediante. Datum Posonii, sabbato proximo post festum beati Matthaei apostoli et evangelistae, anno domini millesimo quadringentesimo vigesimo nono, regnorum nostrorum anno Hungariae et cetera quadragesimo tertio, Romanorum vigesimo et Bohemiae decimo.


1) 1446: Pechefalua.^{^}
2) Vorlage: devolute.^{^}
3) 1446: annectanda.^{^}