Urkunde Nr. 2073 aus Band IV

Seite im UB:

382-383

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

2073

Pressburg 1429 Juli 25 König Sigmund befiehlt den Seklergrafen Johann und Michael Jakch, die Bewohner von Desch in ihren Rechten und Freiheiten zu schützen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris magnificis Johanni et Mychaeli Jakch de Kussal Siculorum ac certarum camararum salium nostrorum regalium comitibus salutem et gratiam. Venientes nostrae maiestatis in praesentiam providi viri Gregorius Soos alias iudex et Matheus Polus dicti iuratus civis oppidi nostri Dees vocati in personis et pro parte universorum et singulorum hospitum et iobagionum nostrorum de eadem Dees regiae maiestati nostrae proposuerunt querulose, quomodo vestri vicecomites camararum dictorum salium nostrorum regalium in eodem oppido nostro Dees per vos constituti habitarum exquisitis et adinventis quibusdam novitatibus ipsos in eorum antiquis libertatibus privilegiatis ac consuetis legibus exemptionibusque et primariis consuetudinibus, quibus ipsi hactenus semper usi fuerunt atque freti, minime tenerent, immo neque vellent conservare, ipsos ultra dictas eorum libertates plurimum vexantes dietenus perturbarent in derogamen praefatarum ipsorum [S. 383] libertatum et damnum valde magnum. Sed quia nos praefatos nostros hospites et iobagiones in dicto oppido nostro Dees commorantes per praetactos vestros vicecomites camararum praedictarum salium nostrorum regalium in eadem Dees per vos constitutos habitarum in praemissis eorum libertatibus legibusque, exemptionibus et antiquis consuetudinibus nullatenus volumus impediri et perturbari, sed ipsos in eisdem illibate volumus conservari, igitur fidelitati vestrae firmo nostro regio sub edicto praecipimus et mandamus, quatenus a modo deinceps in antea memoratos hospites et iobagiones nostros de dicta Dees in praemissis eorum antiquis libertatibus privilegiatis ac legibus consuetis et iustis consuetudinibus ceterisque exemptionibus, quibus hucusque freti fuerunt et usi sunt, absque omni impedimento et aliqua novitatis adinventione quiete illibateque seu illaese tenere et conservare tenerique et conservari facere debeatis. Volumus tamen, ut ipsi universi hospites et iobagiones nostri in oppido nostro Dees praedicto commorantes et eorum quilibet pro certo pretio secundum eorum consuetudinem et dispositionem per prius in hac parte observatam ipsis de dicta nostra camara in eadem Dees ut praefertur habita dare et persolvere solito aut naves salium praepararent et faciant aut sales incidant et incisos ad naves ipsas in eorum curribus deferant et comportent. Secus non facturi in praemissis. Praesentes quoque perlectas semper in exhibentis manibus volumus remanere. Datum Posonii, in festo beati Jacobi apostoli, anno domini MCCCCXXIX^o, regnorum nostrorum anno Hungariae et cetera XLIII^o, Romanorum XVIIII^o et Bohemiae nono.

Unter dem Siegel: Commissio propria domini regis.