Urkunde Nr. 2052 aus Band IV

Seite im UB:

367-368

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2052

Mediasch 1428 August 24 Roland Lepes, Vizewoiwode von Siebenbürgen, ersucht das Weissenburger Kapitel bei der Einführung der Katharina und Appollonia, Töchter des Heidrich von Alzen, in Besitzanteile von Vecerd/Vecsérd, Rosch, Bürgesch und Embrestelke mitzuwirken.

Amicis suis honorandis capitulo ecclesiae Transsiluanae Lorandus Lepes de Waraskezy vicevaivoda Transsiluanus amicitiam paratam cum honore. Noveritis quod nobis dicit Hedricus de Olchna in persona nobilium puellarum filiarum suarum Katherina et Apolina vocatarum, quomodo ipsae puellae in dominium quarundam portionum possessio- [S. 368] nariarum in Wecher, Rawas, Byrges et Embrestelke existentibus habitarum legitime vellent introire, si contradictio cuiuspiam ipsis non obviaret in hac parte. Vestras igitur amicitias praesentibus petimus diligenter, quatenus vestrum mittatis hominem pro testimonio fidedignum, quo praesente Andreas filius Ladislai de Byrges vel Dauid de Rawas sive Andreas de Hiwhalma neve Georgius de eadem Rawasd aliis absentibus homo noster ad facies praedictarum portionum possessionariarum Wecher, Rawas, Byrges et Embrestelke vicinis et commetaneis earundem universis inibi legitime convocatis et praesentibus accedendo introducat praefatas puellas in dominium earundem statuatque easdem annotalis puellis Katherina et Apalina vocatis si non fuerit contradictum. Contradictores vero si qui fuerint, citet eosdem contra annotatas puellas nostram in praesentiam ad terminum competentem rationem contradictionis eorundem reddituros. Et post haec ipsius introductionis, statutionis et citationis seriem cum nominibus contradictorum et citatorum si qui fuerint terminoque assignato nobis amicabiliter rescribatis. Datum in Megyes, in festo beati Bartholomei apostoli, anno domini millesimo quadringentesimo vigesimo octavo.