Urkunde Nr. 2043 aus Band IV

Seite im UB:

348

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2043

Im Feldlager bei der Taubenburg 1428 Mai 27 König Sigmund befiehlt Ladislaus, dem Woiwoden von Siebenbürgen, Johann Gereb und Nikolaus, die Söhne des Johann von Weingartskirchen, in den Besitz von Giesshübel einzuführen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fideli nostro magnifico Ladislao de Chaak partium nostrarum Transsiluanarum vaivodae vel ipsius vicevaivodae salutem et gratiam. Quia nos possessionem Baakludas vocatam in comitatu Albensi Transsiluanae habitam et omnia alia iura possessionaria Stephani de dicta Baakludas ad manus nostras regias rationabilibus ex causis iuxta regni nostri consuetudinem rite et legitime ut dicitur devolutam et redactam¹⁾ fidelibus nostris Johanni Gereb dicto filio Johannis de Wyngarth et Nicolao filio eiusdem pro eorum fidelibus serviciis mediante aliis literis nostris donationalibus in perpetuum duxerimus conferendum. Igitur fidelitati vestrae firmiter praecipiendo mandamus, quatenus praedictam possessionem Baakludas pridem per vos de mandato nostro speciali pro nostra maiestate occupatam praefatis Johanni et Nicolai vel hominibus eorum harum loca tenentibus, remittere et resignare manusque vestras et ad vos pertinentes de eadem removere debeatis. Et aliud facere non ausuri in praemissis. Datum in descensu nostro campestri sub castro nostro Galambocz, feria quinta proxima post festum Penthecostes, anno domini M^o CCCC^o XX octavo regnorum nostrorum anno Hungariae et cetera XLII^o, Romanorum XVIII^o et Bohemiae octavo.

Unter dem Siegel: Kanzleibemerkung. [S. 349]


1) Vorlage: redacta.^{^}