Urkunde Nr. 468 aus Band I

Seite im UB:

427-428

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

468

Weissenburg 1329 Mai 13 Andreas, Bischof von Siebenbürgen, bestätigt die Beilegung des zwischen dem Weissenburger Kapitel und den Söhnen des Bans Simon bestandenen Zehntstreites.

Nos Andreas dei et apostolicae sedis gratia episcopus Transsiluanus significamus quibus expedit universis praesentium per tenorem, quod accedentes ad praesentiam nostram nobiles Mychael, Thomas et Nicolaus filii Symonis bani, astante eis Nicolao archidiacono de Hunad canonico eiusdem ecclesiae nostrae ex parte fratrum nostrorum de capitulo, ad hoc cum ipsis transmisso proposuerunt et in nunc modum proponentes cum instantia supplicarunt, quod cum ipsi ad cor reversi et se recognoscentes cum eisdem fratribus nostris de capitulo in gratiam et reconciliationem convenissent et reconciliati ac pacisciti cum eisdem fuissent ac de omnibus decimis et debitis ipsorum, quae annis subtraxerant et occupaverant, secundum quod cum ipsis convenire potuerunt, prout inferius apparebit, satisfactionem assumpsissent, a nobis cum [S. 428] instantia supplicantes petiverunt, ut ipsos a sententiis excommunicationum, quas propterea incurrerant, absolvi facere et ecclesiis sacramentis restituere ipsos dignaremur. Nos vero auditis ipsorum supplicationibus et etiam auditis confessionibus et acceptationibus fratrum nostrorum de capitulo per eundem Nicolaum archidiaconum nomine ipsorum coram nobis propositis ipsos filios Symonis bani secundum formam canonum, recepta ab ipsis iuratoria cautione, quod ipsi et de subtractis decimis et usurpatis secundum quod convenerunt eisdem fratribus nostris satisfacerent et persolverent et a modo in futurum iidem filii Symonis bani de decimis fratrum nostrorum de possessionibus ipsorum universis provenientibus numquam se intromitterent, sed iidem fratres nostri de capitulo vel per officiales suos exigendi aut quibuscumque locare voluerint, locandi liberam habebunt facultatem, ut praetactum est. Ipsos filios Symonis bani ab excommunicationibus, quibus fuerant propterea innodati, per honorabilem virum dominum Thomam custodem ecclesiae nostrae poenitentiarium nostrum ad hoc specialiter deputatum absolvi fecimus et duximus absolvendos, canonicae obligationis conditione huiusmodi interiecta, quod si satisfactionem assumptam videlicet Nicolaus¹⁾ medietatem tredecim marcarum et Mychael medietatem quatuor marcarum fini argenti ponderis Albensis in octavis assumptionis beatae virginis proxime venturis²⁾ et aliam medietatem in vigilia beati Mychaelis archangeli similiter proxime ventura³⁾, prout coram nobis assumpserunt, eisdem fratribus nostris non persolverent aut in futurum in facto decimarum se aliquo modo intromiserint vel usurpaverint vel aliquid contra ipsos fratres nostros circa hoc per se vel per alios palam vel occulte aliquod impedimentum praestiterint vel aliquam difficultateni adhibuerint, ex tunc ipso facto reincidant sententiam excommunicationis in eandem et etiam reatum periurii incurrant. Datum Albae, Sabbato proximo ante dominicam Jubilate, anno domini M^o. C^o C^o C^o. XX^mo. nono.

Auf der Rückseite: Memoriales pro capitulo contra Mychaelem et Nicolaum filios Symonis bani ad octavas assumptionis beatae virginis et ad vigiliam beati Mycliaelis super solutione decimarum.


1) Hierauf durchgestrichen: t.^{^}
2) August 22. ^{^}
3) September 28.^{^}