Urkunde Nr. 2034 aus Band IV

Seite im UB:

338-339 ^a)

Druckvorlage:

nach Original

Abdruck als:

Volltext

Sprache:

Latein

---

2034

1428 April 10 Der Konvent von Kolozsmonostor beglaubigt die Urkunde Karl Roberts von 1318 Nr. »354, Rechte der Sachsen in den Stühlen Mediasch und Schelk betreffend.

Conventus monasterii beatae Mariae virginis de Clusmonostra omnibus Christi fidelibus praesentibus pariter et futuris praesens scriptum inspecturis salutem in salutis largitore. Quoniam antiquorum circa successorum adhibita profectibus sollicitudo literarum testimoniis in aevum reservatur temporumque successionibus humana sagacitas laudanda priorum acta eisdem literalibus testimoniis invenit reservanda,(1) proinde ad universorum tam praesentium quam futurorum notitiam harum serie volumus pervenire, quod magister Petrus Vngelter de Meggyes notarius duarum sedium eiusdem Meggyes et Selk vocatarum et comes Clemens de eadem Meggyes nostram venientes in praesentiam in ipsorum ac universorum Saxonum earundem duarum sedium personis exhibuerunt nobis quasdam literas quondam serenissimi principis domini Karoli dei gratia Hungariae et cetera regis illustris sub eiusdem pendenti ac duplici sigillo privilegialiter emanatas tenoris subsequentis petentes nos suis(2) ac nominibus quibus supra, ut tenorem earundem de verbo ad verbum transscribi et transsumi faceremus transsumptumque earundem similiter nostro sub pendenti sigillo ipsis dare et concedere dignaremur. Quarum tenor talis est. (Folgt die Urkunde Karl Roberts von 1318 Nr. »354.) Nos itaque iustis et legitimis petitionibus praefatorum magistri Petri notarii et comitis Clementis immo verius iustitiae annuentes praescriptas literas privilegiales dicti quondam domini Karoli regis de verbo ad verbum sine diminutione et augmento aliquali transscribi et praesentibus literis nostris similiter privilegialibus transsumi facientes transscriptumque earundem [S. 339] et transsumptum tam eisdem magistro Petro notario ac comiti Clementi quam praefatis universis Saxonibus dictarum duarum sedium duximus concedendas¹⁾ iuris eorum uberiorem ad cautelam. Datum sabbato proximo ante dominicam Quasi modo geniti, anno domini millesimo quadringentesimo vigesimo octavo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 338, 1 auf S. 339.^{^}
[S. 338]
1) So Vorlage. ^{^}
2) Vorlage: nos.^{^}
[S. 339]
1) So Vorlage.^{^}