Urkunde Nr. 2028 aus Band IV

Seite im UB:

332

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 835 - Abt. 21: K. A. Henndorf [Parohia Ev. CA Hendorf / Brădeni], Nr. 3.

Druckvorlage:

nach Original

Abdruck als:

Volltext

Sprache:

Latein

---

2028

Diemrich 1428 April 2 Ladislaus, Woiwode von Siebenbürgen, verbietet den Richtern, Geschworenen und Ältesten des Schässburger Stuhls, den Wochenmarkt in Henndorf zu stören.

Ladislaus de Chaak vaivoda Transsiluanus et comes de Zolnok providis et circumspectis viris iudicibus et iuratis civibus necnon universis et singulis senioribus in sede Segeswar constitutis et existentibus amicis nostris sincere carissimis salutem cum dilectione. Exponitur nobis¹⁾ in persona universorum populorum et hospitum regalium in possessione Hegen vocata commorantium gravi cum querela quomodo vos forum ipsorum hebdomadalem, ipsis per gratiosissimam serenitatem domini nostri regis concessum impedire et perturbare intenderitis. Et quia nos a serenissimo domino nostro rege ita habemus firmissimis in mandatis, ut nos tamdiu quousque vestri in medium personaliter accedere vel egregium Lorandum Lepes vicevaivodam nostrum transmittere possemus, ipsum forum dictae possessionis Hegen per vos impediri et perturbari non permitteremus, vestrae igitur universitati et vestrum cuilibet praesentibus firmissime committimus atque mandamus in persona praefati domini nostri regis, quatenus vos praedictum forum hebdomadalem iam fatorum hospitum de dicta Hegen tamdiu quousque nos personaliter illac vestri in medium accedere vel ipsum vicevaivodam nostrum mittere poterimus in nullo penitus impedire et perturbare praesumatis et nec sitis ausi modo aliquali. Dum enim nos ibi fuerimus constituti et tunc praedictum forum vobis multum nocivum et damnosum fore conspexerimus, ex tunc superinde de opportuno remedio atque iusto providemus. Praesentes autem post earum lecturam reddi committimus praesentanti. Datum in Dewa in festo Parasceven, anno domini M^mo et cetera XXVIII^o. [S. 333]


1) Hierauf: vni durchstrichen.^{^}