Urkunde Nr. 2026 aus Band IV

Seite im UB:

330-331

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 52.

Druckvorlage:

nach Original

Abdruck als:

Volltext

Sprache:

Latein

---

2026

Tyrnau 1428 März 1 König Sigmund verbietet den Zolleinnehmern in Haţeg/Hátszeg, Törzburg, Crişeni/Körösfő und Huedin/Bánffy-Hunyad, von den Sachsen der Sieben Stühle Abgaben zu erheben.

Von der Kanzlei: Commissio propria domini regis.

[S. 331] Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris universis et singulis praelatis, baronibus, comitibus, castellanis, nobilibus et alterius cuiusvis status regni nostri Hungariae possessionatis hominibus, tributa tenentibus et habentibus nostrisque et eorundem tributariis tam in partibus nostris Transsiluanis quam extra easdem ubilibet et praesertim in tributis in Hathzak ac sub castro nostro Terch, item in Keresfew et in Hwnyad exigi consuetis constitutis praesentes visuris salutem et gratiam. Dicitur nobis in personis fidelium nostrorum universorum et singulorum Saxonum septem sedium dictarum partium nostrarum Transsiluanarum gravi cum querela, quod quamvis ipsi resque et bona eorum quaelibet requirentibus libertatibus ipsorum per nostros praedecessores reges utputa Hungariae ipsis gratiose datis et concessis et¹⁾ per nostram maiestatem confirmatis a qualibet solutione tributaria in quorumcumque tributis faciendis exempti sint et emancipati, tamen nonnulli forent ex vobis, qui huiusmodi libertatibus pro parte eorundem Saxonum datis non obstantibus de rebus et bonis eorum in locis tributorum suorum tributum seu solutionem tributariam reciperent et exigerent in ipsorum praeiudicium, immo verius praedictae libertatis eorum praerogativae derogamen non modicum. Super quo in personis eorundem Saxonum nostrae supplicatum fuit maiestati, ut ipsis circa praemissa dignaremur remedium adhibere opportunum. Et quia nos eosdem Saxones in huiusmodi gratiosis exemptionibus et libertatum praerogativis illibate volumus conservare et facere conservari, igitur fidelitati vestrae et cuiuslibet vestrum firmissime praecipiendo mandamus, quatenus a modo in posterum a praefatis Saxonibus vel altero eorum rebusque et bonis ipsorum aut alterius eorum in locis dictorum tributorum contra dictas eorum libertates nullam solutionem tributariam recipere seu exigere recipique seu exigi facere praesumatis nec sitis ausi modo aliquali. Et aliud facere non ausuri in praemissis gratiae nostrae sub obtentu. Praesentes etiam perlectas reddi iubemus praesentanti. Datum in Tornowa feria secunda proxima post dominicam Reminiscere, anno domini M^mo CCCC^mo XX octavo, regnorum nostrorum anno Hungariae et cetera XL primo, Romanorum decimo octavo et Bohemiae octavo.

Unter dem Siegel Kanzleivermerk.

Am unteren Rande rechts von einer Hand aus dem Ende des 15. Jahrhunderts: Litera super tributo Hachak, Terch, Kesserew et Hwnyad. [S. 332]


1) Über der Zeile nachgetragen.^{^}